#ជំងឺរាំរ៉ៃដំបៅមហារីកប្រចាំផ្លូវវេងស្រេងតំបន់លូ៥ និងផ្លូវព្រះមុនីរ៉េត តំបន់ខាងមុខវត្តស្ទឹងមានជយ័ ម្តងនេះ លោក សេង គន្ធ អភិបាលខណ្ឌមានជយ័ សុំលេងធម៍ក្តៅហើយ មិនអាចបណ្តោយតទៅមុខបានទៀតទេ!!!

នាព្រឹកនេះ ថ្ងៃព្រហស្បត្តិ៍ទី០៤ខែមករាឆ្នាំ២០២៤
លោក សេង គន្ធ អភិបាលនៃគណ:អភិបាលខណ្ឌមានជយ័
បានដឹកនាំ ចុះ បញ្ជាផ្ទាល់ រៀបចំសណ្តាប់ធ្នាប់ចាប់ពីស្ពានអាកាសស្ទឹងមានជ័យរហូតដល់ព្រំប្រទល់ខណ្ឌពោធិ៍សែនជ័យ ផ្លូវមុន្នីរ៉េត ផ្លូវចោមចៅ(វេង ស្រេង) សូមបងប្អូនបញ្ឈប់ការលក់ដូរលេីចិញ្ចេីមផ្លូវ លេីសាច់ផ្លូវបន្តទៀត បានណែនាំច្រេីនដង បានធ្វេីកិច្ចសន្យាច្រេីនដងហេីយ ក៍ដូចសេចក្តីជូនដំណឹង បេីនៅបន្តលក់ដូរបែបនេះទៀត អាជ្ញាធរនិងប្រេីវិធានការរដ្ឋបាលចុះដកហូតសម្ភារៈទំនិញផ្សេងៗមិនទទួលខុសត្រូវការខូចខាត។
សគូសបញ្ជាក់ផងដែរថា ក្រុមនាក់លក់ដូរនៅតំបន់ខាងលើ ពិបាកនិយាយគ្នាណាស់ ដេញដូចវែកចក អញ្ចឹង ហើយពេលខ្លះថែមទាំងយកទ្រូងផ្លូវធ្វើជាកម្មសិទ្ធិផ្ទាល់:គឺលក់ដូរលើកណ្តាលទ្រូងផ្លូវតែម្តង មិនខ្លាចញញើតនៅគ្រោះថ្នាក់ផ្សេងៗឡើយ ហើយក៏បង្កអោយមានការកកស្ទះចរាចរណ៍ជារៀងរាល់ថ្ងៃផងដែរ។