ខេត្តត្បូងឃ្មុំ៖ប្រភពព័ត៌មានពីប្រជាពលរដ្ឋបានអោយ អង្គភាព គេហទំព័រ រដ្ឋាអភិវឌ្ឍន៍ ញូស៍ដឹងថា កាសុីណូ ចក្រវាល ជាយដែន កំពង់តែបើកដៃអោយប្រជាពលរដ្ឋខ្មែរ ចូលលេងល្បែងសុីសងបៀរ អាប៉ោងនឹង បញ្ជល់មាន់ភ្នាល់ដាក់លុយរាប់រយ រាប់ពាន់ក្នុងមួយគូរៗហោកញ្ជៀវយ៉ាងសប្បាយ មិនខ្វល់ពីប្រសាសន៍ សម្តេចតេជោទាល់តែសោះ ចំណែកឯ អាជ្ញាធរមានសមត្ថកិច្ច ក្នុងមូលដ្ឋានបែរជាសម្ងំស្ងៀម មិនមានការទុបស្កាត់ ក្នុងករណីប្រជាពលរដ្ឋខ្មែរប្រម៉ូលគ្នាចូលលេងល្បែងសុីសងនៅកាសុីណូខាងលើ។
ប្រភពមន្ត ព្រោះតែមានកាសុីណូ ដែលអោយពលរដ្ឋខ្មែរ ជាច្រើននាំគ្នាចូលលេងល្បែងសុីសង បែបនេះ ច្បាស់ជាមានបទល្មើសផ្សេងៗមិនខាន។យើងដឹងហើយថា ទីណាមានល្បែងស៊ីសង ទីនោះនឹងមានបទល្មើសនានា ដូចជាចោរលួច ចោរឆក់ ចោរប្លន់ គាស់ផ្ទះ អំពើហិង្សាក្នុងគ្រួសារកើតឡើងជាហូរហែ ធ្វើឲ្យភូមិ.ឃុំ.សង្កាត់ គ្មានសុវត្ថិភាព ប្រជាពលរដ្ឋរស់នៅដោយក្ដីភយ័ខ្លាច។
ដូច្នេះហើយប្រជាពលរដ្ឋសូមសំណូមពរដល់លោក ថាញ់ សុខវ៉ាត អធិការស្រុកនឹងលោក លី សុភាលីន អភិបាលស្រុកពញាក្រែកមេត្តាចាត់កម្លាំងជម្នាញចុះពិនិត្យនិងបង្ក្រាបទីតាំងល្បែងសុីសងខាងលើនេះផងនិងជួយមើលមន្ត្រីក្រោមឱវាទដែលរក្សាការពារនៅក្នុងទឹកដី ភូមិ.ឃុំ.សង្កាត់ ខាងលើនេះផង តើរាល់ថ្ងៃនេះគាត់រវល់ធ្វើអ្វីដែរ? បានជាបណ្ដែតបណ្ដោយអោយទីតាំងមួយកន្លែងនេះ ប្រម៉ូលពរដ្ឋខ្មែរចូលលេងល្បែងស៊ីសង ផ្គើននិងប្រសាសន៍សម្តេចតេជោបែបនេះ?៕(នៅមានត)
ជុំវិញការចុះផ្សាយខាងលើនេះអង្គភាពសារព័ត៌មានយើងខ្ញុំ នឹងរងចាំទទួលការស្រាយបំភ្លឺ ពីសំណាក់សមត្ថកិច្ចពាក់ពន្ធ័ នឹងម្ចាស់ទីតាំងរៀងរាល់ម៉ោងធ្វើការ ដើម្បីឆ្លុះបញ្ចាំងពីការពិត សុក្រឹតនិងយុត្តិធម៌តែប៉ុណ្ណោះ សូមអរគុណ!!!