ទាន់ហេតុការណ៍
ឯកឧត្តម គង់ សោភ័ណ្ឌ និងសហការី បាននាំយកអំណោយរបស់សាខាកាកបាទក្រហមកម្ពុជាខេត្តកណ្តាល រួមមាន សម្ភារប្រើប្រាស់ គ្រឿងឧបភោគបរិភោគ និងថវិកា ផ្តល់ជូនប្រជាពលរដ្ឋក្រីក្ររងគ្រោះដោយការបាក់ស្រុតច្រាំងស្ទឹងព្រែកត្នោត ចំនួន ៥៨ គ្រួសារ ស្មើនឹង ០៣ភូមិ រស់នៅក្នុងសង្កាត់ដើមមៀន ក្រុងតាខ្មៅ ខេត្តកណ្ដាល=>ប្រហែសបាត់ ប្រយ័ត្នគង់ អាវុធហត្ថតាមទាន់ ចោរម្នាក់ត្រូវអស់លក្ខណ៍!=>ប្រជាពលរដ្ឋសុំអោយលោក មាស ធួក អធិការស្រុករំដួលមេត្តាចុះបង្រ្កាបទីតាំងល្បែងសុីសងប្រជល់មាន់អនឡាញ តាមបណ្តោយផ្លូវ៣១៣៤ ច្រកព្រំដែនបុសមនផង...(វគ្គ២)=>ល្បែងសុីសង ជល់មាន់តាមអនឡាញជ្រកក្រោមអាជ្ញាប័ណ្ណឆ្នោតឡូតូ រីកដូចផ្សិត ក្នុងស្រុកអង្គស្នួលកំពុងធ្វើឱ្យប៉ះពាល់ដល់សុខទុក្ខបងប្អូនប្រជាពលរដ្ឋនិងសន្តិសុខសង្គម អាជ្ញាធរមានសមត្ថកិច្ចមិនបង្ក្រាប...=>ឧត្តមសេនីយ៍ឯក រ័ត្ន ស្រ៊ាង បានប្រាប់ពីអារម្មណ៍ភ្ញាក់ផ្អើលនិងក្តុកក្តួល ដល់មិត្តភក្តិរួមជំនាន់សាលាបាក់ទូក ក្នុងឱកាសចុះសួរសុខទុក្ខ អតីតអ្នកគ្រូ សាលាបាក់ទូក ជួបការលំបាក!=>នាយឧត្តមសេនីយ៍ សៅ សុខា បញ្ជាឱ្សស៊ើបអង្កេត ករណី បង្ក្រាបល្បែងជល់មាន់អនឡាញនៅ​ខេត្តកំពង់ធំ​ដែល​បណ្ដាលឱ្យមនុស្សស្លាប់=>ក្រុមហ៊ុនរិទ្ធីជានិច្ច មានថៅកែឈ្មោះហៀងនឹងមេកាឈ្មោះដា ហៅ០២ កំពង់តែដើរពង្រាយ ទីតាំងល្បែងសុីសងប្រជល់មាន់អនឡាញតាមកញ្ចក់ទូរទស្សន៍ គ្រុបស្រុកក្នុងខេត្តស្វាយរៀងសមត្ថកិច្ចពាក់ពន្ធ័មិនបង្រ្កាប...(វគ្គ៤)=>ឯកឧត្តម ខៀវ កាញារីទ្ធ អញ្ជើញជាអធិបតី ក្នុងពិធីប្រគល់ពានរង្វាន់ ដល់អ្នកសារព័ត៌មាន ដែលបានចូលរួមប្រឡងប្រជែងនិពន្ធអត្ថបទសារព័ត៌មាន=>លោក​ឧត្តមសេនីយ៍ទោ ឈឿន សុ​ចិត្ត ស្នងការ​នគរបាល​ខេត្ត កណ្តាល អញ្ជើញ ចូលរួម​ពិធី​បើក​ការដ្ឋាន​ស្ថាបនាផ្លូវបេតុងក្នុងភូមិ​ផ្កាយព្រឹក ឃុំ​មៀន ស្រុក​ព្រៃឈរ ខេត្ត​កំពង់ចាម..!=>អាវុធហត្ថរាជធានីភ្នំពេញ ឃាត់ខ្លួនជនជាតិចិន ០១នាក់ រួមជាមួយគ្រឿងញៀន ១.៥ គីឡូក្រាម បញ្ជូនទៅតុលាការ!
0

ឯកឧត្តម លី វ៉ាន់ហុង និងឯកឧត្តម ផុស សុវណ្ណ អញ្ជើញបិទវគ្គបណ្តុះបណ្តាលចាងហ្វាងការផ្សាយជាង៣០នាក់ របស់សមាគមសារព័ត៌មានអេឡិចត្រូនិក អឹម អេស ជេ

ឯកឧត្តម លី វ៉ាន់ហុង  និងឯកឧត្តម ផុស សុវណ្ណ អញ្ជើញបិទវគ្គបណ្តុះបណ្តាលចាងហ្វាងការផ្សាយជាង៣០នាក់ របស់សមាគមសារព័ត៌មានអេឡិចត្រូនិក អឹម អេស ជេ

«រដ្ឋាភិវឌ្ឍន៍ ញូយ៍ | Ratha Aphiwat News» ទូរស័ព្ទទំនាក់ទំនង 015 29 39 64 | 097 52 66 779

http://www.rathaaphiwatnews.com

ភ្នំពេញ៖ល្ងាចថ្ងៃទិ២៥ ខែមិថុនា ឆ្នាំ២០២២

ឯកឧត្តម លី វ៉ាន់ហុង ប្រតិភូរាជរដ្ឋាភិបាល ទទួលបន្ទុកអគ្គនាយករដ្ឋបាល និងហិរញ្ញវត្ថុនៃក្រសួងព័ត៌មាន បានអញ្ជើញជាអធិបតីដ៏ខ្ពង់ខ្ពស់ បិទវគ្គបណ្តុះបណ្តាលចាងហ្វាងការផ្សាយជាង៣០នាក់ នៅស្នាក់ការកណ្តាលរបស់សមាគមសារព័ត៌មានអេឡិចត្រូនិក អឹម អេស ជេ នៅក្នុងរាជធានីភ្នំពេញ។
កម្មវិធីបណ្តុះបណ្តាលរបស់សមាគម គឺមានរយៈពេញមួយថ្ងៃ ដោយផ្តោតសំខាន់លើរបៀបប្រមូលព័ត៌មាន សរសេរអត្ថបទដំណឹង ក្រមសីលធម៌ ច្បាប់ ការរៀបចំ និងការគ្រប់គ្រងស្ថាប័ន សម្រាប់ចាងហ្វាង នៅទូទាំងប្រទេសកម្ពុជា ដើម្បីបង្កើនសមត្ថភាពរបស់ខ្លួន ក្នុងការចូលរួមលើកកម្ពស់លទ្ធិប្រជាធិបតេយ្យនៅកម្ពុជា។
ក្នុងឱកាសអញ្ជើញជាអធិបតីនេះ ឯកឧត្តមប្រតិភូ បានគាត់សម្គាល់ពីផលវិបាករបស់អ្នកសារព័ត៌មាន ក្នុងពេលបំពេញការងារ ដោយសារនៅមានចំណុចភាន់ច្រឡំរវាងមន្ត្រីនៅតាមមូលដ្ឋាន និងអ្នកសារព័ត៌មាន។
ក្រៅពីសង្កេតឃើញការពិបាករបស់អ្នកសារព័ត៌មាននៅពេលបំពេញការងារនេះ ឯកឧត្តម លី វ៉ាន់ហុង ក៏បានបកស្រាយពីបញ្ហាបង់ពន្ធប្រាក់ចំណូលប្រចាំឆ្នាំរបស់អ្នកសារព័ត៌មសផងដែរ ឯកឧត្តមប្រតិភូ លី វ៉ាន់ហុង បានមានប្រសាសន៍ថា «សម្រាប់ពាក់ព័ន្ធពន្ធដារ យើងត្រូវធ្វើលិខិតទៅក្រសួងព័ត៌មានតាមរយៈសមាគម ដោយប្រាប់ថា តាំងពីទទួលបានអាជ្ញាប័ណ្ណរួចហើយ ប៉ុន្តែស្ថាប័នមិនទាន់ដំណើរការ ហើយមិនមានប្រាក់ចំណូល ដើម្បីបង់ពន្ធដារ»។

ត្រង់ចំណុចនេះ ឯកឧត្តមប្រតិភូ ចង់បញ្ជាក់ថា ក្រសួងព័ត៌មានតែងតែត្រៀមដោះស្រាយបញ្ហាប្រឈមរបស់អ្នកសារព័ត៌មាន ដើម្បីសម្រួលដល់ការងារអនុវត្តវិជ្ជាជីវៈប្រចាំថ្ងៃ។
ពាក់ព័ន្ធករណីអាជីវកម្មខាងបង់នេះ ឯកឧត្តម ផុស សុវណ្ណ បានក្រើនរំឭកថា សហគ្រាសឯកបុគ្គល គឺខុសគ្នាពីក្រុមហ៊ុន ព្រោះបីខាត គឺខាតតែប្រាក់ទុនប៉ុណ្ណោះ តែបើសហគ្រាសវិញ ប្រសិនបើខាត គឺត្រូវប្រឈមមុខបាត់បង់ទ្រព្យសម្បត្តិគ្រួសារទាំងមូល។
ឯកឧត្តមមានប្រសាសន៍ដូច្នេះថា «សហគ្រាស បើខាតវិញ ត្រូវលក់ឡាន និងខាតបង់ទ្រព្យសម្បត្តិរបស់ភរិយាខ្លួនឯងថែមទៀតផង»។

សង្កេតឃើញលទ្ធនៃការប្រឹងប្រែងរបស់សិក្ខាកាម ឯកឧត្តម លី វ៉ាន់ហុង បានសំណូមពរដល់ឯកឧត្តមបណ្ឌិត ម៉េង សុភ័ណ បង្កើតវគ្គបណ្តុះបណ្តាលជាបន្តទៀត ដោយឯកឧត្តម លើកឡើងថា «ខ្ញុំសូមអរគុណច្រើន ដែលបានមកចូលរួមវគ្គសិក្សានេះ។ ខ្ញុំគាំទ្រជានិច្ច ហើយសូមធ្វើឡើងឲ្យបានមួយខែម្តង»។

ចំណែកឯកឧត្តមបណ្ឌិត ម៉េង សុភ័ណ្ឌ ប្រធានសមាគមសារព័ត៌មានអេឡិចត្រូនិក អឹម អេស ជេ បានមានប្រសាសន៍ថា វគ្គបណ្តុះបណ្តាលដល់ចាងហ្វាងសារព័ត៌មាននេះដោយផ្តោតសំខាន់លើជំនាញប្រមូលព័ត៌មាន សរសេរអត្ថបទដំណឹង ក្រមសីលធម៌ ច្បាប់ ការរៀបចំ និងការគ្រប់គ្រងស្ថាប័ន។

សូមរំលឹកថា ថ្លែងក្នុងជំនួបសំណេះសំណាលជាមួយអ្នកសារព័ត៌មានរាប់ពាន់ នាល្ងាចថ្ងៃទី១៤ ខែមករា នៅសន្និបាតកោះពេជ្រ សម្តេចតេជោ នាយករដ្ឋមន្ត្រី បានមានប្រសាសន៍ថា បច្ចុប្បន្ននេះវិស័យសារព័ត៌មានកំពុងមានការីកចម្រើនយ៉ាងខ្លាំង។ ដូច្នេះ ដើម្បីផលិតព័ត៌មានឲ្យបានល្អ អ្នកសារព័ត៌មានទាំងអស់ត្រូវយល់ដឹងឲ្យបានច្បាស់នូវរឿងរ៉ាវពិត ដែលបានកើតមានឡើងក្នុងសង្គម ជាពិសេសត្រូវសរសេរព័ត៌មានទាំងល្អ និងមិនល្អ ដើម្បីចូលរួមធ្វើការកែលម្អក្នុងន័យស្ថាបនាអភិវឌ្ឍន៍សង្គមកម្ពុជាឲ្យកាន់តែរីកចម្រើន។

សម្តេចតេជោ ហ៊ុន សែន ក៏បានថ្លែងអំណរគុណដល់សមាគមសារព័ត៌មានទាំងអស់ ដែលកន្លងមកបានចូលរួមចំណែកយ៉ាងសំខាន់ក្នុងវិស័យព័ត៌មាន និងសូមអរគុណដល់គ្រប់ស្ថាប័នទាំងអស់ ដែលបានចូលរួមសហការជាមួយអ្នកសារព័ត៌មាន ក្នុងការផ្តល់ព័ត៌មានពីស្ថាប័នរបស់ខ្លួន។

ក្នុងឱកាសដ៏វិសេសវិសាលនោះដែរ សម្តេចតេជោ ក៏បានផ្តល់មតិណែនាំដល់អ្នកសារព័ត៌មាន តាមអនឡាញមួយចំនួន សូមចូលរួមគោរពទៅតាមវិជ្ជាជីវៈព័ត៌មានឲ្យបានត្រឹមត្រូវ ត្រូវគោរពសិទ្ធិអ្នកដទៃ មិនមែនចេះតែផ្សាយតាមចិត្តនោះទេ។ សម្តេចតេជោនាយករដ្ឋមន្ត្រី បានដាក់សារដ៏សំខាន់មួយសម្រាប់អ្នកសារព័ត៌មានថា «អ្នកសារព័ត៌មានកុំបំពានសិទ្ធិអ្នកដ៏ទៃ កុំបំភ្លៃការពិត»។

ត្រង់ចំណុចនេះ ខ្ញុំបាទសូមលើកយកនូវប្រសាសន៍ដ៏ឧត្តុងឧត្តមរបស់ឯកឧត្តមបណ្ឌិត ខៀវ កាញារីទ្ធ រដ្ឋមន្ត្រីក្រសួងព័ត៌មាន ដែលតែងតែមានប្រសាសន៍ក្រើនរំឭកដល់អ្នកសារព័ត៌មាន និងមន្ត្រីរាជរដ្ឋាភិបាលថា អ្នកសារព័ត៌មាន មិនគួរមានទោសរហូតជាប់ពន្ធនាគារ ដោយសារការអនុវត្តវិជ្ជាជីវៈរបស់ខ្លួនឡើយ ប៉ុន្តែបើមានទោសវិញ គឺត្រឹមតែផាកពិន័យជាទឹកប្រាក់ប៉ុណ្ណោះ។

ឯកឧត្តមបណ្ឌិត បានមានប្រសាសន៍បែបនេះ កាលពីខែកក្កដា ឆ្នាំ២០១៩ ដោយយោងលើច្បាប់ស្តីពីរបបសារព័ត៌មានរបស់កម្ពុជាថា «មន្ត្រីស្ថាប័នមួយចំនួន ចំពោះសារព័ត៌មានបានផ្សាយប៉ះពាល់ដល់ខ្លួន គឺបានដាក់ពាក្យប្តឹងទៅតុលាការ ដោយមិនបានស្នើសុំឲ្យអង្គភាព ដែលបានផ្សាយនោះធ្វើការបកស្រាយបំភ្លឺឡើងវិញទេ គឺសំអាងក្រមព្រហ្មទណ្ឌបរិហាកេរ្តិ៍ ប៉ុន្តែច្បាប់នេះមិនអនុវត្តលើអ្នកសារព័ត៌មាននោះទេ។ ព្រោះក្រមព្រហ្មទណ្ឌនេះត្រូវបានច្បាប់ស្តីពីអ្នកសារព័ត៌មានការពារសិទ្ធិសេរីភាពអ្នកសារព័ត៌មានរួចទៅហើយ»៕

Filed in: ព័ត៌មានជាតិ

Leave a Reply

Submit Comment
«រដ្ឋាអភិវឌ្ឍន៍ ញូយ៍ | Ratha Ahiwat News» ព័ត៌មានថ្មីៗ ទាន់ហេតុការណ៍ ! ទាក់ទងផ្តល់ព័ត៌មាន តាមទូរស័ព្ទលេខ 015 29 39 64 | 097 52 66 779 សូមអរគុណ ! ឬ Whatsapp : 015 29 39 64 | 097 52 66 779 Telegram : 015 29 39 64 | 097 52 66 779»

©២០១៨ រក្សាសិទ្ធិ ដោយ «រដ្ឋាអភិវឌ្ឍន៍ ញូយ៍ | Ratha Ahiwat News»

អាសយដ្ឋាន ៖ ផ្ទះលេខ ៦១៨ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល

សហការផ្តល់ព័ត៌មាន តាមទូរស័ព្ទលេខ 015 29 39 64 | 097 52 66 779 សូមអរគុណ ! ឬ Whatsapp : 097 52 66 779 Telegram : 097 52 66 779»

អ៊ីម៉ែល ៖ mailtobot168@gmail.com