ទាន់ហេតុការណ៍
ឯកឧត្តម ខៀវ កាញារីទ្ធ អញ្ជើញជាអធិបតីពិធី "ជួបជុំអាហារសាមគ្គីយុវជនសារព័ត៌មាន និងប្រគល់ពានរង្វាន់អ្នកកាសែតឆ្នើម២០២២"=>អភិបាលខេត្តត្បូងឃ្មុំ អញ្ជើញចុះសួរសុខទុក្ខ នាំយកអំណោយសម្តេចកិត្តិព្រឹទ្ធបណ្ឌិត ចែកជូនពលរដ្ឋងាយរងគ្រោះចំនួន១៤១គ្រួសារ ក្នុងឃុំកក់ ស្រុកពញាក្រែក=>ឯកឧត្តម គង់ សោភ័ណ្ឌអភិបាលខេត្តកណ្ដាល ប្រកាសផ្ដល់ស្ពាន ១ ខ្សែជូនប្រជាពលរដ្ឋរស់នៅក្នុងឃុំលើកដែកស្រុកកោះធំ ខេត្តកណ្ដាល=>ប្រជាពលរដ្ឋប្រមាណជាង ៥ពាន់នាក់ នៅស្រុកកៀនស្វាយ  ខេត្តកណ្ដាល ទទួលបានការពិនិត្យព្យាបាលដោយឥតគិតថ្លៃពីក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី=>ក្រសួងព័ត៌មាន នឹងជ្រើស រើសអ្នកស្ម័គ្រចិត្តថតរូបជាច្រើននាក់ ដើម្បីចូលរួមនៅក្នុងព្រឹត្តិការណ៍ប្រកួតកីឡា អាស៊ី-អាគ្នេយ៍ លើកទី៣២ ឆ្នាំ២០២៣=>ឯកឧត្តម ខៀវ កាញារីទ្ធ ក្រើនរម្លឹកមន្ត្រីមន្ទីរព័ត៌មានខេត្តបន្ទាយមានជ័យ ឱ្យបន្តពង្រឹងសាមគ្គីសហការគ្នាបំពេញការងារឱ្យកាន់តែល្អថែមទៀត=>គ.ជ.ប បង្ហាញលទ្ធផលផ្លូវ ការនៃអាសនៈក្រុមប្រឹក្សាឃុំ- សង្កាត់អាណត្តិទី៥ ខណៈការប្រកាសសាធារណៈនឹងធ្វើនៅថ្ងៃទី២៦មិថុនា=>មន្ទីររៀបចំដែនដី នគររូបនីយកម្មនឹង សំណង់បានអំពាវនាវដល់បងប្អូនប្រជាពលរដ្ឋចនួន៥ភូមិចូលរួមសហការជាមួយក្រុមការងារចុះវាស់វែងដីធ្លី...=>ឯកឧត្តម លី វ៉ាន់ហុង និងឯកឧត្តម ផុស សុវណ្ណ អញ្ជើញបិទវគ្គបណ្តុះបណ្តាលចាងហ្វាងការផ្សាយជាង៣០នាក់ របស់សមាគមសារព័ត៌មានអេឡិចត្រូនិក អឹម អេស ជេ=>ឯកឧត្តម ហួត ឃាងវេង រដ្ឋលេខាធិការក្រសួងព័ត៌មាន អញ្ជើញបើកវគ្គបណ្តុះបណ្តាលចាងហ្វាងការផ្សាយជាង៣០នាក់ របស់សមាគមសារព័ត៌មានអេឡិចត្រូនិក អឹម អេស ជេ
0

សម្ដេច ស ខេង ណែនាំ ៩ចំណុច ពីការរៀបចំព្រះរាជពិធី បុណ្យចម្រើនព្រះជន្ម សម្ដេចម៉ែក្នុងពិធីគម្រប់ព្រះជន្ម ៨៦ យាងចូល ៨៧ព្រះវស្សា

សម្ដេច ស ខេង ណែនាំ ៩ចំណុច ពីការរៀបចំព្រះរាជពិធី បុណ្យចម្រើនព្រះជន្ម សម្ដេចម៉ែក្នុងពិធីគម្រប់ព្រះជន្ម ៨៦ យាងចូល ៨៧ព្រះវស្សា

«រដ្ឋាភិវឌ្ឍន៍ ញូយ៍ | Ratha Aphiwat News» ទូរស័ព្ទទំនាក់ទំនង 015 29 39 64 | 097 52 66 779

http://www.rathaaphiwatnews.com

ភ្នំពេញ៖ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានណែនាំដល់អគ្គស្នងការដ្ឋាននគរបាលជាតិ អគ្គលេខាធិការដ្ឋាន អគ្គាធិការដ្ឋាន អគ្គនាយកដ្ឋានរដ្ឋបាល អគ្គនាយកដ្ឋានភស្តុភារ និងហិរញ្ញវត្ថុ អគ្គនាយកដ្ឋាន អង្គភាពនានាចំណុះក្រសួង និងរដ្ឋបាលរាជធានី ខេត្ត ក្នុងគោល បំណងចូលរួមអបអរសាទរព្រះរាជពិធីបុណ្យចម្រើនព្រះជន្ម សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្ដីថ្លៃថ្នូរ និងសុភមង្គល គម្រប់ព្រះជន្ម ៨៦ យាងចូល ៨៧ ព្រះវស្សា ដែលនឹងប្រព្រឹត្តទៅនៅថ្ងៃទី១៨ ខែមិថុនា ឆ្នាំ២០២២ និងដើម្បីធានាបាននូវស្ថិរភាព សន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម។ សម្ដេចក្រឡាហោមបានបញ្ជាក់ថា ការណែនាំ៩ចំណុចនេះ រួមមាន÷
១. ទីស្ដីការក្រសួងមហាផ្ទៃ និងអង្គភាពក្រៅទីស្តីការក្រសួងមហាផ្ទៃ ត្រូវរៀបចំតាំងព្រះបរមឆាយាល័ក្ខណ៍ សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់ ដោយមានតុបតែងលម្អ ដោយភ្លើងពណ៌ ពាក្យស្លោកថ្វាយព្រះពរ សារលិខិតថ្វាយព្រះពរ និងលើកទង់ជាតិ ទង់សាសនា ទង់ព្រះមហាក្សត្រ បដាពាក្យស្លោកអបអរសាទរ។

២. រដ្ឋបាលរាជធានី ខេត្ត ត្រូវរៀបចំតាំងព្រះបរមឆាយាល័ក្ខណ៍ សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់ ដោយមានតុបតែងលម្អដោយភ្លើងពណ៌ លើកទង់ជាតិ ទង់សាសនា ទង់ព្រះមហាក្សត្រ បដាពាក្យស្លោក មានសារលិខិតថ្វាយព្រះពរ និងណែនាំមន្ទីរ អង្គភាព ខណ្ឌ ស្រុក ក្រុង ឃុំ សង្កាត់ គ្រឹះស្ថានសិក្សា សាលារៀន វត្តអារាម រោងចក្រ សហគ្រាស និងប្រជារាស្ត្រ ឱ្យលើកទង់ជាតិ ទង់សាសនា ទង់ព្រះមហាក្សត្រ បដាពាក្យស្លោកឱ្យបានគ្រប់អង្គភាព និងគ្រប់គេហដ្ឋាន។

៣. រដ្ឋបាលរាជធានី ខេត្ត ត្រូវរៀបចំកម្មវិធីចុះសួរសុខទុក្ខអ្នកមានជំងឺកំពុងសម្រាកព្យាបាល នៅតាម មន្ទីរពេទ្យបង្អែក ដោយត្រូវអនុវត្តវិធានការសុខាភិបាលឱ្យបានខ្ជាប់ខ្ជួន គឺត្រូវពាក់ម៉ាស់ ធ្វើការវាស់កម្ដៅ លាងដៃជាមួយសាប៊ូ ឬអាល់កុល ជែល និងរក្សាគម្លាតសុវត្ថិភាព។

៤. ត្រូវបង្កើនវិធានការសន្តិសុខ និងសណ្តាប់ធ្នាប់សាធារណៈឱ្យបានម៉ឺងម៉ាត់ នៅតាមបណ្តាគោលដៅ ប្រារព្ធពិធីបុណ្យ និងគោលដៅកម្សាន្តសប្បាយរបស់ប្រជាពលរដ្ឋ ដូចជា៖ ទីវត្តអារាម ប្រាង្គប្រាសាទ បូជនីយដ្ឋាន រមណីយដ្ឋាន គោលដៅទេសចរណ៍នានា ដើម្បីរក្សានូវសណ្តាប់ធ្នាប់ឱ្យបានល្អប្រសើរ និងរៀបចំចាត់ចែងអុជកាំជ្រួច នៅយប់ថ្ងៃទី១៨ ខែមិថុនា ឆ្នាំ២០២២ ដើម្បីអបអរសាទរ ទិវាដ៏ឧត្ដុង្គឧត្ដមនេះ។

៥. ពង្រឹងកិច្ចសហការជាមួយសមត្ថកិច្ចជំនាញពាក់ព័ន្ធក្នុងការបង្ការ និងទប់ស្កាត់ការរាតត្បាតជំងឺកូវីដ-១៩ ដោយអនុវត្តឱ្យបានខ្ជាប់ខ្ជួននូវវិធានការ ៣ការពារ ៣កុំនៅតាមបណ្តាវត្តអារាម ទីប្រជុំជន ទីសាធារណៈនានា។

៦. ទប់ស្កាត់ និងបង្ក្រាបឱ្យបានទាន់ពេល នូវរាល់សកម្មភាពដែលនាំឱ្យគ្រោះថ្នាក់ បង្កការភ័យខ្លាចដល់ ប្រជាពលរដ្ឋ នឹងនាំឱ្យជះឥទ្ធិពលមិនល្អដល់កិត្តិយស សេចក្ដីថ្លៃថ្នូររបស់សង្គមជាតិដូចជា៖ សកម្មភាពក្មេងទំនើង អំពើហិង្សា ការប្រើប្រាស់អាវុធ គ្រឿងផ្ទុះគ្រាប់រំសេវ និងល្បែងស៊ីសងគ្រប់ប្រភេទ។

៧. ជំរុញរឹតបន្តឹងការអនុវត្តន៍ច្បាប់ចរាចរណ៍ផ្លូវគោក និងមានផែនការជាមុនក្នុងការរៀបចំសណ្តាប់ធ្នាប់ សម្រួលចរាចរណ៍តាមបណ្ដាផ្លូវជាតិ ទីប្រជុំជន ដូចជាគោលដៅផ្សេងៗ ដែលមានមនុស្សប្រមូលផ្តុំដើម្បីរៀបចំរបៀបរៀបរយ សណ្ដាប់ធ្នាប់ កាត់បន្ថយបាននូវការកកស្ទះ និងគ្រោះថ្នាក់ដែលអាចកើតឡើងជាយថាហេតុ។

៨. ត្រូវយកចិត្តទុកដាក់អប់រំប្រជាពលរដ្ឋ ឱ្យមានស្មារតីប្រុងប្រយ័ត្នចំពោះគ្រោះអគ្គិភ័យ គ្រោះមហន្តរាយ នានា ដោយរៀបចំកម្លាំង និងមធ្យោបាយត្រៀមបម្រុងប្រចាំការ ២៤/២៤ម៉ោង ដើម្បីសហការជួយសង្គ្រោះ ពេលមានអគ្គិភ័យ និងគ្រោះធម្មជាតិដែលកើតឡើងជាយថាហេតុ។

៩. ត្រូវពង្រឹងបន្ថែមការងារប្រចាំបញ្ជាគ្រប់ថ្នាក់ និងត្រៀមកម្លាំងសម្រាប់ចេញអន្តរាគមន៍ ពេលមាន ហេតុការណ៍ចៃដន្យកើតឡើង និងត្រូវសហការជាមួយបណ្ដាញព័ត៌មានសំខាន់ៗ ដើម្បីផ្តល់ព័ត៌មានទាន់ពេលវេលា ដូចជាការកកស្ទះចរាចរណ៍ ធ្វើឱ្យប្រជាពលរដ្ឋបានដឹងជាមុនដើម្បីបង្វែរទិសចរាចរណ៍។ ជាមួយគ្នានេះត្រូវរៀបចំមន្ត្រីក្រោមឱវាទឱ្យមានការផ្លាស់ប្ដូរវេនប្រចាំការ។

សម្ដេចក្រឡាហោមបន្ថែមថា អគ្គស្នងការដ្ឋានគរបាលជាតិ អគ្គលេខាធិការដ្ឋាន អគ្គាធិការដ្ឋាន អគ្គនាយកដ្ឋានរដ្ឋបាល អគ្គនាយកដ្ឋានភស្តុភារ និងហិរញ្ញវត្ថុ អគ្គនាយកដ្ឋាន អង្គភាពនានាចំណុះក្រសួង និងរដ្ឋបាលរាជធានី ខេត្ត ចាត់ចែងអនុវត្តឱ្យមានប្រសិទ្ធភាព ប្រកបដោយស្មារតីទទួលខុសត្រូវខ្ពស់៕

Filed in: ព័ត៌មានជាតិ

Leave a Reply

Submit Comment
«រដ្ឋាអភិវឌ្ឍន៍ ញូយ៍ | Ratha Ahiwat News» ព័ត៌មានថ្មីៗ ទាន់ហេតុការណ៍ ! ទាក់ទងផ្តល់ព័ត៌មាន តាមទូរស័ព្ទលេខ 015 29 39 64 | 097 52 66 779 សូមអរគុណ ! ឬ Whatsapp : 015 29 39 64 | 097 52 66 779 Telegram : 015 29 39 64 | 097 52 66 779»

©២០១៨ រក្សាសិទ្ធិ ដោយ «រដ្ឋាអភិវឌ្ឍន៍ ញូយ៍ | Ratha Ahiwat News»

អាសយដ្ឋាន ៖ ផ្ទះលេខ ៦១៨ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល

សហការផ្តល់ព័ត៌មាន តាមទូរស័ព្ទលេខ 015 29 39 64 | 097 52 66 779 សូមអរគុណ ! ឬ Whatsapp : 097 52 66 779 Telegram : 097 52 66 779»

អ៊ីម៉ែល ៖ mailtobot168@gmail.com