ទាន់ហេតុការណ៍
ឯកឧត្តម បណ្ឌិត ហ៊ុន ម៉ាណែត អញ្ជើញជួបសំណេះសំណាលជាមួយសកម្មជន វាគ្មិនជាយុវជនគណបក្ស និងក្រុមការងារក្នុងរចនាសម្ព័ន្ធក្រុមការងារយុវជនគណបក្សខេត្តស្វាយរៀង=>សម្ដេចតេជោ ហ៊ុន សែន៖ រាជរដ្ឋាភិបាលកំពុងរៀបចំសម្រួលការធ្វើអត្តសញ្ញាណប័ណ្ណជូនខ្មែររស់នៅក្រៅប្រទេស ដើម្បីបង្កភាពងាយស្រួលក្នុងការប្រកបអាជីវកម្មនៅកម្ពុជា=>ពិធីប្រកាសផ្ទេរ និងចូលកាន់មុខតំណែង ប្រធានសាលាដំបូង ខេត្តបាត់ដំបង=>បងប្អូនប្រជាពលរដ្ឋខ្មែរ រួមនឹងព្រះសង្ឃ ដែលកំពុងគង់ និងរស់នៅតាម​បណ្ដាប្រទេស​ក្នុងទ្វីបអឺរ៉ុបជាច្រើន អង្គនាក់ បាននិមន្ត និងមកទទួលស្វាគមន៍ដំណើរអញ្ជើញដល់របស់ សម្តេចអគ្គមហាសេនាបតីតេជោ​ ហ៊ុន​ សែន​ នាយករដ្ឋមន្ត្រី នៃព្រះរាជាណាចក្រកម្ពុជា នៅទីតាំងនៃពិធីសំណេះសំណាលជាមួយបងប្អូនសហគមន៍ខ្មែរប្រមាណជា២១០០នាក់ ដែលនឹងចាប់ផ្ដើមពិធីនៅពេលបន្តិចទៀតនេះ ដោយក្ដីរីករាយសប្បាយចិត្តក្រៃលែង ។ Zurich ប្រទេសស្វីស, ថ្ងៃទី២១ ខែឧសភា ឆ្នាំ២០២២=>ម្ចាស់សៃវៀននឹងអាប៉ោងឈ្មោះវណ្ណ កំពុងមានឈ្មោះបោះសម្លេង នៅស្រុកស្ទឹងត្រង់ថាជាមេបនល្បែងសុីសងមួយរូបដែលលោក ឯម វឌ្ឍនា អធិកាមិនហ៊ានបញ្ជាកម្លាំងចុះបង្រ្កាប..?=>រដ្ឋមន្ត្រីក្រសួងយុត្តិធម៌ ប្រកាសផ្ទេរ និងចូលកាន់មុខតំណែងប្រធានសាលាដំបូងខេត្តត្បូងឃ្មុំ ឯកឧត្តម ជា វណ្ណៈ ជំនួសឯកឧត្តម ជុំ ស ផ្លាស់ទៅខេត្តបាត់ដំបងវិញ=>ថ្ងៃនេះ កម្ពុជាឈ្នះមេដាយបន្ថែម៧គ្រឿង ខណៈបាល់ទះ និងកាយសម្ព័ន្ធ ឈ្នះមេដាយជាប្រវត្តិសាស្ត្រដំបូង ក្នុងព្រឹត្តិការណ៍ស៊ីហ្គេម=>ក្រុមកាយសម្ព័ន្ធ Aerobic កម្ពុជា ទទួលបានមេដាយប្រាក់ លើវិញ្ញាសា៣នាក់ ក្នុងព្រឹត្តិការណ៍កីឡាអាស៊ីអាគ្នេយ៍ នៅប្រទេសវៀតណាម=>សម្ដេចតេជោ ហ៊ុន សែន អញ្ជើញដឹកនាំគណៈប្រតិភូកម្ពុជាទៅចូលរួមវេទិកាសេដ្ឋកិច្ចពិភពលោក រយៈពេល៥ថ្ងៃ នៅប្រទេសស្វីស=>សម្ដេចតេជោ ហ៊ុន សែន៖ ការចាក់វ៉ាក់សាំងដូសជំរុញទី៥ នឹងត្រូវចាប់ផ្ដើម នៅថ្ងៃទី០៩ ខែមិថុនា ឆ្នាំ២០២២
0

សម្ដេចតេជោ ហ៊ុន សែន៖ ថ្ងៃនេះគឺជាថ្ងៃទីបីហើយ ដែលព្រះរាជាណាចក្រកម្ពុជារបស់យើង គឺពុំមានករណីឆ្លងកូវីដ១៩

សម្ដេចតេជោ ហ៊ុន សែន៖ ថ្ងៃនេះគឺជាថ្ងៃទីបីហើយ ដែលព្រះរាជាណាចក្រកម្ពុជារបស់យើង គឺពុំមានករណីឆ្លងកូវីដ១៩

«រដ្ឋាភិវឌ្ឍន៍ ញូយ៍ | Ratha Aphiwat News» ទូរស័ព្ទទំនាក់ទំនង 015 29 39 64 | 097 52 66 779

http://www.rathaaphiwatnews.com

ភ្នំពេញ ថ្ងៃទី១០ ខែ ឧសភា ឆ្នាំ២០២២

ប្រមុខរាជរដ្ឋាភិបាលកម្ពុជា សម្ដេចអគ្គមហាសេនាបតីតេជោ ហ៊ុន សែន បានថ្លែងថា ថ្ងៃនេះគឺជាថ្ងៃទីបីហើយ ដែលព្រះរាជាណាចក្រកម្ពុជារបស់យើង គឺពុំមានករណីឆ្លងកូវីដ១៩ ដែលនេះគឺជាជោគជ័យបានមកពីការខិតខំរួមរបស់បងប្អូនប្រជាពលរដ្ឋគ្រប់រូប ដែលបានចូលរួមសហការ ក្នុងការប្រយុទ្ធជាមួយជំងឺដ៏កាចសាហាវនេះ។

ក្នុងសារជាសំឡេងនាព្រឹកថ្ងៃទី ១០ ខែឧសភា ឆ្នាំ២០២២ ផ្ញើរជូនជនរួមជាតិ មុននឹងចាកចេញពីកម្ពុជាទៅចូលរួមកិច្ចប្រជុំកំពូលអាស៊ាន-សហរដ្ឋអាមេរិក ដែលជាការតបតាមការអញ្ជើញរបស់ប្រធានាធិបតីសហរដ្ឋអាមេរិកនោះ សម្ដេចតេជោ ហ៊ុន សែន បានគូសបញ្ជាក់ថា បីថ្ងៃកន្លងផុតទៅគឺទូទាំងប្រទេសពុំមានការឆ្លងណាមួយសម្រាប់កូវីដ១៩នោះទេ ដែលសម្ដេចពិតជាអរព្រះគុណ ថ្វាយចំពោះព្រះមហាក្សត្រ សម្ដេចម៉ែ ក៏ដូចជា ថ្វាយ និងប្រគេនចំពោះព្រះតេជគុណ ព្រះសង្ឃគ្រប់ព្រះអង្គ បងប្អូនជនរួមជាតិ ដែលបានចូលរួមទៅក្នុងការប្រយុទ្ធនឹងជំងឺនេះ រាប់ទាំងការចូលរួមថវិកា ការចូលរួមទទួលយកនូវវិធានការសុខាភិបាល និងការចូលរួមដើម្បីទទួលយកនូវវ៉ាក់សាំង ហើយដែលវ៉ាក់សាំងនេះគឺជាគន្លឹះ សម្រាប់ការទទួលជោគជ័យរបស់យើង។

សម្ដេចតេជោនាយករដ្ឋមន្ត្រីលើកឡើងថា បើពុំមានការចាក់វ៉ាក់សាំងទេ ប្រជាពលរដ្ឋរបស់យើងច្បាស់ជាទទួលនូវមហន្តរាយ ដែលវាកើតឡើងសម្រាប់ប្រជាពលរដ្ឋ ដូចដែលឆ្នាំទៅពេលនេះ ម៉ោងនេះ យើងកំពុងឆ្លងជំងឺកូវីដ១៩ធ្ងន់ធ្ងរ និងមានការស្លាប់ជារៀងរាល់ថ្ងៃ រហូតត្រឹមតែប៉ុន្មានខែសោះ បានឆក់យកជីវិតប្រជាជនរបស់យើងជាង ៣ ០០០នាក់ ដែលជាការគួរឱ្យសោកស្ដាយ។ ប៉ុន្តែតាមរយៈនៃការខិតខំរបស់ជនរួមជាតិរបស់យើង គឺប្រទេសជាតិត្រូវបានគេចផុតពីសង្គ្រាមកូវីដ១៩ ពីជំងឺដ៏កាចសាហាវនេះ គឺក្នុងរយៈបីថ្ងៃនេះយើងពុំមានករណីឆ្លង ឬស្លាប់នោះទេ។ អ្នកជំងឺទូទាំងប្រទេសនៅសល់ប្រមាណជាង២០នាក់តែប៉ុណ្ណោះ នៅក្នុងមន្ទីរពេទ្យ អ្នកឆ្លងថ្មីគឺពុំមានឆ្លងនោះឡើយ នេះហើយគឺជាជោគជ័យធំ។

តែយ៉ាងណាក៏ដោយ ក៏សម្ដេចតេជោ នៅតែបន្តអំពាវនាវឱ្យមានការប្រុងប្រយ័ត្នកម្រិតខ្ពស់ ដោយមិនត្រូវនាំមកវិញនូវជំងឺដ៏កាចសាហាវនេះ ហើយដែលឆ្លងដោយខ្វះការប្រុងប្រយ័ត្ន។

សម្ដេចតេជោសង្ឃឹមថា ប្រជាពលរដ្ឋ នឹងបន្តទទួលយកនូវវិធានការសុខាភិបាលដែលបានដាក់ចេញ ជាមួយនឹងការសប្បាយរីករាយនូវក្នុងការបើកសេដ្ឋកិច្ច-សង្គមឡើងវិញសឹងតែពេញលេញ រៀនរស់នៅជាមួយកូវីដ១៩។

សម្ដេចតេជោនាយករដ្ឋមន្ត្រីបានលើកឡើងបន្ថែមដូចដែលសម្ដេចបានជម្រាបតាមសារដែលបង្ហោះចេញតាមបណ្ដាញសង្គមហ្វេសប៊ុកថា សម្ដេចដូចជាមិនទាន់អស់ចិត្តជាមួយនឹងការបំពេញកាតព្វកិច្ច ក្នុងឋានៈជាប្អូនប្រុស ជាឪពុកមា ជាប្អូនថ្លៃ ជាជីតា ក្នុងការធ្វើបុណ្យ៧ថ្ងៃ សម្រាប់បងប្រុសជាទីស្រឡាញ់របស់ខ្លួន។ ប៉ុន្តែភារកិច្ចរបស់ប្រទេសជាតិ តម្រូវឱ្យសម្ដេច ចាកចេញដើម្បីចូលរួមបំពេញការងារនេះឱ្យបានល្អ ក្នុងក្របខ័ណ្ឌជាប្រធានអាស៊ានប្ដូរវេននៅឆ្នាំ២០២២ និងជាសមាជិកអាស៊ាន ដែលត្រូវធ្វើដោយខានមិនបាន ដើម្បីជាតិមាតុភូមិ ជាពិសេសគឺ ជាតិ សាសនា ព្រះមហាក្សត្ររបស់យើង។

សម្ដេចតេជោគូសបញ្ជាក់ឱ្យដឹងទៀតថា ក្នុងអំឡុងពេលស្នាក់អាស្រ័យនៅឯសហរដ្ឋអាមេរិក សម្ដេចនឹងជួបជាមួយនឹងបងប្អូនជនរួមជាតិដែលរស់នៅទីនោះ ដោយផ្ដល់អាទិភាពសម្រាប់ជំនួបនៅល្ងាចថ្ងៃទី១០ និងទី១១ ខែឧសភា ឆ្នាំ២០២២។បន្ទាប់មកសម្ដេចនឹងធ្វើកិច្ចការទៅតាមការរៀបចំរបស់ម្ចាស់ផ្ទះ គឺរដ្ឋាភិបាលសហរដ្ឋអាមេរិក ជាមួយនឹងវត្តមានរបស់សម្ដេចក្នុងឋានៈជាប្រធានអាស៊ានឆ្នាំ២០២២។

សម្ដេចតេជោនាយករដ្ឋមន្រ្ដីបានបន្ថែមទៀតថា ក្រៅពីនោះក៏មានជំនួបផ្សេងៗទៀត ដែលរាប់ទាំងមិត្តភក្ដិបរទេស ដែលបានសន្យាគ្នាទៅជួបនៅឯទីក្រុងវ៉ាស៊ីនតោន ហើយក៏មានការជួបជាមួយនឹងក្រុមមិត្តភក្ដិដែលជាជនជាតិរបស់អាម៉េរិក ដើម្បីធ្វើកិច្ចការងារមួយចំនួនផងដែរ៕

Filed in: ព័ត៌មានជាតិ

Leave a Reply

Submit Comment
«រដ្ឋាអភិវឌ្ឍន៍ ញូយ៍ | Ratha Ahiwat News» ព័ត៌មានថ្មីៗ ទាន់ហេតុការណ៍ ! ទាក់ទងផ្តល់ព័ត៌មាន តាមទូរស័ព្ទលេខ 015 29 39 64 | 097 52 66 779 សូមអរគុណ ! ឬ Whatsapp : 015 29 39 64 | 097 52 66 779 Telegram : 015 29 39 64 | 097 52 66 779»

©២០១៨ រក្សាសិទ្ធិ ដោយ «រដ្ឋាអភិវឌ្ឍន៍ ញូយ៍ | Ratha Ahiwat News»

អាសយដ្ឋាន ៖ ផ្ទះលេខ ៦១៨ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល

សហការផ្តល់ព័ត៌មាន តាមទូរស័ព្ទលេខ 015 29 39 64 | 097 52 66 779 សូមអរគុណ ! ឬ Whatsapp : 097 52 66 779 Telegram : 097 52 66 779»

អ៊ីម៉ែល ៖ mailtobot168@gmail.com