ខេត្តកំពង់ឆ្នាំង ព្រឹក ថ្ងៃអង្គារ ៥រោច ខែផល្គុន ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី22 ខែមីនា ឆ្នាំ ២០២២
ដោយមានការណែនាំពី លោក ស៊ូម សារឿន ប្រធានសមាគមរាជសីហ៍ និងលោកប្រធានសមាគមរាជសីហ៍សាខាខេត្តកំពង់ឆ្នាំង លោក ខៀវ ប៉ិច អនុប្រធានក្រុមប្រឹក្សាយោបល់សមាគមរាជសីហ៍សាខាខេត្តកំពង់ឆ្នាំង រួមនឹងសហការី បាននាំយកអំណោយ ជូនរដ្ឋបាលស្រុកកំពង់ត្រឡាច ខេត្តកំពង់ឆ្នាំង នូវសម្ភារៈមានដូចខាងក្រោម៖
១- ម៉ាស់ ចំនួន 5000 ម៉ាស់
២- មីកញ្ចប់ ចំនួន 50 កេស
៣- អាកុល ២កាន (៦០លីត្រ)
ក្នុងនាមអាជ្ញាធរស្រុកកំពង់ត្រឡាច លោក សន សំអាត អភិបាលរងស្រុក បានមានប្រាសសន៍ថាអំណោយដែលសមាគមរាជសីហ៍សាខាខេត្តកំពង់ឆ្នាំងបានផ្តល់ដល់សាលាស្រុកនាពេលនេះ វាពិតជាមានសារៈសំខាន់ណាស់ក្នុងការជួយបន្តដល់ប្រជាពលរដ្ឋដែលមានជីវភាពខ្វះខាតនៅក្នុងមូលដ្ឋាន ហើយលោកពិតជាមានសេចក្តីរីករាយ ព្រមទាំងបានផ្តាំផ្ញើរសួរសុខទុក្ខ និងថ្លែងអំណរគុណដល់ ថ្នាក់ដឹកនាំ និងសមាជិក សមាជិកាសមាគមរាជសីហ៍ទាំងអស់ ព្រមទាំងសប្បុរសជន សូមជួបប្រទះតែសេចក្តីសុខចម្រើន ជោគជ័យគ្រប់ភារកិច្ច ជួបតែពុទ្ធពរ៤ប្រការ អាយុ វណ្ណៈ សុខៈ ពលៈ កុំបីឃ្លៀងឃ្លាត ។