បាត់ដំបង ៖ ខ្សល់កន្រ្តាក់លាយឡំនឹងទឹកភ្លៀងមួយមេ បានវាយប្រហារ ផ្ទះប្រជាពលរដ្ឋចំនួន១៤ខ្នង នៅឃុំតាសាញ់ ស្រុកសំឡូតខេត្តបាត់ដំបង កាលពីព្រលប់ថ្ងៃទី១៩ខែមីនា ឆ្នាំ ២០២២ ។
លោក ម៉ែន រីម អធិការស្រុកសំឡូតខេត្តបាត់ដំបងឱ្យដឹងថា ក្នុងចំណោមផ្ទះចំនួន១៤ខ្នងដែល រងផលប៉ះពាល់ ដោយខ្សល់ កន្រ្តាក់នេះ មាន៥ខ្នងធ្ងន់ធ្ងរ ស្ថិតនៅភូមិអូរទន្ទឹម ឃុំតាសាញ់ស្រុកសំឡូត តែមិនបណ្តាលឱ្យរងគ្រោះ ថ្នាក់ដល់ជីវិត មនុស្ស សត្វនោះទេ។
លោកបន្ថែមថា កន្លងមកស្រុកសំឡូតដោយសារនៅជិតតំបន់ភ្នំ តែងតែរងនូវផលប៉ះពាល់ ពីខ្សល់កន្រ្តាក់ជារឿយៗ ដែលបាន ធ្វើឱ្យប៉ះពាល់ដល់ផ្ទះសំបែង និង ផលដំណាំ និង បង្កឱ្យគ្រោះថ្នាក់ដល់មនុស្សសត្វទៀតផង ៕
