តម្លៃទំនិញប្រើប្រាស់របស់កូរ៉េខាងត្បូងបានកើនឡើង ៣,៧ ភាគរយក្នុងខែកុម្ភៈ

អន្តរជាតិ៖ ទិន្នន័យការិយា ល័យស្ថិតិបានបង្ហាញនៅថ្ងៃ សុក្រ តម្លៃទំនិញប្រើប្រាស់របស់ប្រទេសកូរ៉េខាងត្បូងបានកើនឡើង ៣,៧ ភាគរយនៅក្នុងខែកុម្ភៈធៀបនឹងឆ្នាំមុនដែលកើនឡើងលើសពី ៣ ភាគរយសម្រាប់ខែទី ៥ ជាប់ៗគ្នា។ នេះបើយោងតាមការចេញផ្សាយដោយសារព័ត៌ មាន Xinhua នៅថ្ងៃទី០៤ ខែមីនា។ បើយោងតាមស្ថិតិរបស់ប្រទេសកូរ៉េ សន្ទស្សន៍តម្លៃទំនិញប្រើប្រាស់ (CPI) ឈរនៅតម្លៃ ១០៥,៣០ ក្នុងខែ កុម្ភៈ កើនឡើង ៣,៧ ភាគ រយធៀបនឹងឆ្នាំមុន។ អតិផរណាបន្តលើសពី ៣ ភាគរយសម្រាប់រយៈពេលប្រាំខែជាមួយនឹង ៣,២ ភាគរយនៅក្នុងខែតុលា ៣,៨ ភាគរយនៅក្នុងខែវិច្ឆិកា ៣,៧ ភាគរយនៅក្នុងខែធ្នូឆ្នាំមុននិង ៣,៦ ភាគរយនៅក្នុងខែមករា។ តម្លៃសម្រាប់ផលិតផលឧស្សាហ កម្ម រួមទាំងផលិតផលប្រេងបានកើនឡើង ៥,២ ភាគរយនៅក្នុងខែកុម្ភៈធៀបនឹងឆ្នាំមុន ។ តម្លៃផលិតផលកសិកម្ម បសុសត្វ និងនេសាទបានកើនឡើង ១,៦ ភាគរយនៅ ក្នុងខែកុម្ភៈ បន្ទាប់ពីកើនឡើង ៦,៣ ភាគរយកាលពីខែមុន។ តម្លៃអគ្គិសនី ឧស្ម័នធម្មជាតិ និងទឹកម៉ាស៊ីនបានបន្ថែម ២,៩ ភាគរយកាលពីខែមុន ហើយតម្លៃសេវាកម្មបានកើន ឡើង ៣,១ ភាគរយ។ តម្លៃអ្នកប្រើប្រាស់ស្នូល ដែលមិន រាប់បញ្ចូលផលិតផលកសិកម្ម និងប្រេងដែលប្រែប្រួលបានកើនឡើង ៣,២ ភាគរយនៅ ក្នុងខែកុម្ភៈធៀបនឹងឆ្នាំមុន។ គេបានកត់សម្គាល់ការកើន ឡើងខ្ពស់បំផុតក្នុងរយៈពេលជាង ១០ ឆ្នាំចាប់តាំងពីខែធ្នូ ឆ្នាំ ២០១១៕