យោងតាមប្រព័ន្ធផ្សព្វផ្សាយក្នុងស្រុករបស់ប្រទេសមីយ៉ាន់ម៉ាបានឱ្យដឹងថា កាលពីថ្ងៃទី១០ ខែមករា តុលាការរបបយោធាមីយ៉ាន់ម៉ាបានកាត់ទោសលោកស្រី អ៊ុងសាន ស៊ូជី ឱ្យជាប់ពន្ធនាគាររយៈពេល ៤ឆ្នាំទៅលើបទចោទប្រកាន់ចំនួន ៣ ដែលរួមមានការនាំចូលដោយខុសច្បាប់ និងជាម្ចាស់ឧបករណ៍ walkie-talkies និងការបំពានទៅលើច្បាប់ស្តីពីការបង្ការ និងគ្រប់គ្រងជំងឺកូវីដ-១៩ ។
វាត្រូវបានបញ្ជាក់ដោយអ្នកនាំពាក្យរដ្ឋាភិបាលមីយ៉ាន់ម៉ា លោកឧត្តមសេនីយ៍ Zaw Min Tun ។
នៅខែធ្នូ ឆ្នាំ២០២១ តុលាការក៏បានកាត់ទោសលោកស្រី អ៊ុងសាន ស៊ូជី ឱ្យជាប់ពន្ធនាគាររយៈពេល ៤ឆ្នាំដែរ ពីបទប្រឆាំងកងទ័ព និងបំពានច្បាប់ស្តីពីការបង្ការ និងគ្រប់គ្រងជំងឺកូវីដ-១៩។ ក្រោយមក លោកឧត្តមសេនីយ Min Aung Hlaing ប្រធានក្រុមប្រឹក្សារដ្ឋបាលរដ្ឋដែលកំពុងកាន់អំណាច (SAC) នៃប្រទេសមីយ៉ាន់ម៉ា និងជាមេទ័ព បានកាត់បន្ថយការកាត់ទោសនោះឱ្យមកនៅត្រឹមរយៈពេល ២ឆ្នាំវិញ ហើយបាននិយាយថា លោកស្រីអាចអនុវត្តការដាក់ទោសនោះដោយការឃុំខ្លួននៅក្នុងផ្ទះ៕