ទាន់ហេតុការណ៍
លោក សាយ សំអាល់ ៖​ កីឡាឡើងភ្នំបាននិងកំពុងទាក់ទាញចំណាប់អារម្មណ៍ខ្លាំងពីសំណាក់ប្រជាជនកម្ពុជា=>ពិធីប្រកាសចូលកាន់តំណែងក្រុមប្រឹក្សាក្រុងតាខ្មៅ អាណត្តិទី៤=>ពិធីប្រកាសចូលកាន់មុខតំណែងក្រុមប្រឹក្សាសំពៅពូន អាណត្តិទី៤ នៃខេត្តកណ្ដាល=>កម្លាំងចម្រុះទីបញ្ជាការស្រាល ស្រុកតាំងគោក ប្រចាំការនៅកោះរះឃាត់ខ្លួន អ្នកធ្វើសកម្មភាពឈូសឆាយភ្ជួរដីនៅតំបន់បី ដែលស្ថិតនៅចំណុចតាចេត នឹងបានបញ្ជូន ឲ្យជំនាញជលផលចាត់ការបន្ត..!=>ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន​ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ អញ្ជីញជាអធិបតី ពិធីប្រកាសចូលកាន់តំណែងក្រុមប្រឹក្សាខេត្តក្រចេះ អាណត្តិទី៤ ដែលមានចំនួន២១រូប ដោយមានការអញ្ជីញចូលរួមពីសំណាក់ឯកឧត្តម ហឿ ស៊ីយ៉ែម ប្រធានក្រុមប្រឹក្សាខេត្តក្រចេះ និងឯកឧត្តម វ៉ា ថន អភិបាលនៃគណៈអភិបាលខេត្តក្រចេះ នាព្រឹកថ្ងៃទី១៣ ខែមិថុនា ឆ្នាំ២០២៤ នៅសាលមហោស្រពខេត្តក្រចេះ។=>ពិតជាខ្លាំងម៉ែន! ក្រុមមេឈ្មួញដុះស្លែនៅតែ គៀងគរពលរដ្ឋអោយ កាវលៀស យកមកលក់ឱ្យខ្លួន ក្នុងមួយថ្ងៃៗរាប់សិបតោន ទោះក្នុងរដូវបិទនេសាទក៏ដោយ..?(វគ្គ១)=>ឧត្តមសេនីយ៍ឯក រ័ត្ន ស៊្រាង ដាក់ដំណើរការ នូវគោលការណ៍ប្រតិបត្តិស្តង់ដា (SOP) ឆ្ពោះទៅរកប្រព័ន្ធការងារបែបឌីជីថល សម្រាប់អាវុធហត្ថរាជធានីភ្នំពេញអនុវត្តជាលើកដំបូង!=>សម្តេចតេជោ និងសហភាពអឺរ៉ុប ឯកភាពគ្នាថា ត្រូវតែមានតុចរចារមួយ ដើម្បីបញ្ចប់ភាពទាល់ច្រកនៅមីយ៉ាន់ម៉ា=>គណៈអចិន្រ្តៃយ៍នៃគណៈកម្មាធិការកណ្តាលសហភាពសហព័ន្ធយុវជនកម្ពុជា (ស.ស.យ.ក.) បានរៀបចំកិច្ចប្រជុំរបស់ខ្លួន ក្រោមអធិបតីភាព ឯកឧត្តម ហ៊ុន ម៉ានី ប្រធាន ស.ស.យ.ក=>ក្រសួងបរិស្ថានប្រារព្ធទិវាបរិស្ថានជាតិ និងបរិស្ថាន ពិភពលោក៥មិថុនា ឆ្នាំ២០២៤ ក្រោមប្រធានបទ "ការកែប្រែគុណភាពដី រហោស្ថានកម្ម និងធន់នឹងគ្រោះរាំងស្ងួត"
0

ដីគ្មានទិន្នន័យស្ថិតនៅក្នុងអាងទំនប់អូរក្រាំងអំបិល ត្រូវបានថៅកែមានខ្នងជាមន្ត្រីប៉េអឹម ដាក់គ្រឿងចក្រជីកកាយ គ្មានជំនាញពាក់ព័ន្ធណាចុះទប់ស្កាត់ទាល់តែសោះ…!

ដីគ្មានទិន្នន័យស្ថិតនៅក្នុងអាងទំនប់អូរក្រាំងអំបិល ត្រូវបានថៅកែមានខ្នងជាមន្ត្រីប៉េអឹម ដាក់គ្រឿងចក្រជីកកាយ គ្មានជំនាញពាក់ព័ន្ធណាចុះទប់ស្កាត់ទាល់តែសោះ…!

«រដ្ឋាភិវឌ្ឍន៍ ញូយ៍ | Ratha Aphiwat News» ទូរស័ព្ទទំនាក់ទំនង 015 29 39 64 | 097 52 66 779

http://www.rathaaphiwatnews.com

ខេត្តកំពង់ស្ពឺ៖ ដី​ដែល​មិន​មាន​ទិន្នន័យ​ក្នុង​ទំនប់​អូរ​ក្រាំង​អំបិល ពេល​នេះ ត្រូវ​បាន​ប្រភព​បង្ហើប​ថា ក្រុម​ឈ្មួញ​កំពុង​សំរុក​កាយ​អាចម៍ដី​ទៅ​ចាក់ តែ​មិន​មាន​ប្រភព​បញ្ជាក់​ថា គេ​ចាក់​ដើម្បី​យក​ធ្វើ​អ្វី​នោះ​ទេ ។ ក្រុម​គ្រឿងចក្រ​ដែល​កំពុង​ធ្វើ​សកម្មភាព​នោះ ត្រូវ​បាន​សង្ស័យ​ថា ជា​គ្រឿងចក្រ​របស់​ថៅកែ លឹ​ម ចាន់​ថុ​ល ដែល​មាន​សកម្មភាព​ជីក​កាយ​ស្តា​រអាង​ទំនប់​អូរ​ក្រាំង​អំបិល​នៅ​ជិត​នោះ​ដែរ​។ ករណី​នេះ ធ្វើ​ឲ្យ​មហាជន​មន្ទិល​សង្ស័យ​ថា តើ​មាន​អាថ៌​កំបាំង​អ្វី​នៅ​ពីក្រោយ​រឿង​នេះ​ខ្លះ?។

រឿងរ៉ាវ​ជីក​ស្តា​រអាង​ទំនប់​អូរ​ក្រាំង​អំបិល​នៅ​តែ​ជាទី​ចាប់អារម្មណ៍​របស់​ប្រជាពលរដ្ឋ ចង់​ដឹង​ចង់​ឮ​ថា តើ​មន្ទីរ និង​ក្រសួង​ពាក់ព័ន្ធ​អនុញ្ញាតិ​ច្បាប់​ត្រឹមណា? បានជា​ក្រុម​គ្រឿងចក្រ​របស់​ថៅកែ លឹ​ម ចាន់​ថុ​ល ដែល​មាន​ខ្នងបង្អែក​ជា​មន្ត្រី​កងរាជអាវុធហត្ថ​ខេត្តកំពង់ស្ពឺ​ដ៏​មាន​ឥទ្ធិពល​មួយ​រូប ជីក​កាយ​ស្ទើរតែ​ពេញ​ផ្ទៃ​អាង​ទំនប់​អូរ​ក្រាំង​អំបិល​ទៅ​ហើយ​នោះ។

ប្រជាពលរដ្ឋ​ដាក់​ការ​សង្ស័យ​ថាលោកថៅកែ លឹ​ម ចាន់​ថុ​ល ជីក​កាយ​ស្តា​រអាង​ទំនប់​អូរ​ក្រាំង​អំបិល​នេះ​លើស​ច្បាប់​កំណត់ និង​ខុស​ទីតាំង។ រឿង​នេះ ពាក់ព័ន្ធ​ជាមួយ​មន្ត្រី​ទទួល​បន្ទុក​ជំនាញណាខ្លះ ជា​ពិសេស គឺមន្ទីរ​ធនធានទឹក និងឧតុនិយម និង​មន្ទីររ៉ែ និងថាមពល​តែ​ម្តង។

តាមប្រភពព័ត៌មានពីប្រជាពលរដ្ឋដែលរស់នៅក្នុងភូមិស្លារ ឃុំវល្លិ៍សរ  និយាយក្នុងលក្ខណមិនបញ្ចេញឈ្មោះថា ពួកគាត់មានដីអាស្រ័យផលម្នាក់បន្តិចៗតាំងពីអំឡុងឆ្នាំ១៩៨០មកម្ល៉េះ នៅក្នុងអាងទំនប់អូរក្រាំងអំបិលនោះ ដើម្បីអាស្រ័យផលដោយមានប្លង់ស្លាបមាន់(ប្លង់ចុងសន្លឹក) ហើយដោយរដ្ឋគេថាត្រូវការអភិវឌ្ឍន៍ ក៏បង្ខំចិត្តយកដីពួកគាត់ដែលបានអាស្រ័យផល ដោះស្រាយគោលនយោបាលត្រឹម១ម៉ែត្រការ៉េ បាន៨កាក់ដុល្លារ(ថោកបំផុត) ខណៈដែលតម្លៃទីផ្សារដីតំបន់នោះមានតម្លៃចាប់ពី២០ដុល្លារ រហូតទៅដល់៨០ដុល្លារក្នុង១ម៉ែត្រការ៉េឯណ្ណោះ។ កក្តានេះហើយដែល ធ្វើឱ្យពួកគាត់មិនសប្បាយចិត្តនូវអ្វីដែលពួកគាត់ចង់បាននោះឡើយ បើរដ្ឋត្រូវការអភិវឌ្ឍន៍មិនអីនោះទេ! ប៉ុន្តែនេះគឺជាលេសរបស់នាយទុន លោកថៅកែ អ្នករត់ការ និងក្រុមមន្ត្រីខិលខូចមួយចំនួន(ថៅកែ គ្រឿងចក្ររកសុីសោះ) ដែលយកលេសជីកស្តារអាងទំនប់ទឹកអូរក្រាំងអំបិលដើម្បីបានទឹកសម្រាប់ប្រើប្រាស់និងអាស្រ័យផលស្រោចស្រពដំណាំ។ ប៉ុន្តែអ្វីដែលធ្វើឱ្យពួកគាត់ហួសចិត្តនោះគឺ ក្រុមថៅកែគ្រឿងចក្រ បានឃុបឃិតជាមួយមន្ត្រីជំនាញខិលខូច យកលេសជីកស្តារអូរក្រាំងអំបិលដើម្បី យកអាចម៍ដីទៅចាក់បំពេញ ដីដែលមានប្លង់រឹងនៅខាងលិចជាប់និងរោងចក្រ ដើម្បីទុកសម្រាប់សាងសង់អ្វីក៏មិនដឹង។ មិនតែប៉ុណ្ណោះ ដឹកយកទៅចាក់បំពេញដីនៅខាងកើតឆៀងខាងជើងក្បែរវត្តរលាំងកំពូលដើម្បីសាងសង់រោងចក្រ។ ចំពោះដីប្រជាពលរដ្ឋសម្រាប់ប្រកបរបរធ្វើស្រែចំការ និងដំណាំផ្សេងៗនោះគឺ ថៅកែជីកកាយ អស់ទៅហើយមុនអាចធ្វើអ្វីបានទៀតទេ។

ប្រជាពលរដ្ឋ ដដែលបានបង្ហើបបន្តទៀតថារឿង
នេះហើយទើបធ្វើឱ្យប្រជាពលរដ្ឋដាក់ការសង្ស័យថាការជីកកាយស្តារអាងទំនប់អូរក្រាំងអំបិលរបស់ ថៅកែ លឹម ចាន់ថុល ដែលអាងអំណាចបងថ្លៃជាមន្ត្រីកងរាជអាវុធហត្ថខេត្តកំពង់ស្ពឺមួយរូបដ៏មានឥទ្ធិពលមហិមានេះ ជីកកាយលើច្បាប់របស់មន្ទីរ ក្រសួងដែលបានកំណត់នោះ តើមានមន្ត្រីមន្ទីរជំនាញណាខ្លះពាក់ព័ន្ធក្នុងរឿងនេះ ហើយមានអាថ៌កំបាំងអ្វីខ្លះ ទើបការជីកាស្តារពាសពេញផ្ទៃអាងទំនប់អូរក្រាំងអំបិលស្រេចតែអំពើចិត្តបែបនេះនោះ?។ ប្រជាពលរដ្ឋពោលពាក្យសោកស្តាយដីរបស់ពួកគាត់ធ្លាប់អាស្រ័យផលគ្រប់ៗ ប៉ុន្តែមិនដឹងថាទៅតវ៉ានៅឯណា តាមគ្នីតាមគ្នាទៅ បើជ្រុលទៅហើយនោះ។ នេះប្រហែលជាល្បិចរកសុីរបស់ក្រុមជនខិលខូចមួយចំនួន ដែលរិះរកគ្រប់មធ្យោបាយដើម្បីចំនេញពីប្រជាពលរដ្ឋ ហើយមើលទៅ ដីនៅក្នុងអាងទំនប់អូរក្រាំងអំបិលរាប់សិបហិកតា អត់មានទិន្នន័យមានសុំច្បាប់ធ្វើបែរជាមកធ្វើការអភិវឌ្ឍន៍ចំដីប្រជាពលរដ្ឋ កាន់កាប់អាស្រ័យផលទៅវិញ?។

  ប្រភពព័ត៌មានបានឱ្យដឹងថា លោកថៅកែ លឹម ចាន់ថុល នេះបានធ្វើការសុំច្បាប់ធ្វើអាជីវកម្មជីកស្តារអាងទំនប់ទឹកអូរក្រាំងអំបិលមានទំហំជិត១០ហិកតា ធ្វើការជីកកាយមានរយះពេល២ឆ្នាំតែប៉ុណ្ណោះ។ ប៉ុន្តែពេលនេះសង្ស័យថៅកែរូបនោះ ធ្វើលើសច្បាប់កំណត់! ដោយកាលពីថ្ងៃទី៣០ ខែឧសភា ឆ្នាំ២០២៤ ថៅកែ លឹម ចាន់ថុល បានយកគ្រឿងចក្រជីកកាយ មកខាងកើត ចំកណ្តាលផ្ទៃទំនប់អូរក្រាំងអំបិល ទើបប្រជាពលរដ្ឋដាក់ការសង្ស័យថា ផុតព្រំប្រទល់ និងលើសច្បាប់កំណត់ ដោយអាងអំណាចបងថ្លៃជាប៉េអឹមហើយមើលទៅទើបហ៊ានធ្វើបែបនេះបាន។

ពាក់ព័ន្ធនិងការលើកឡើងខាងលើរបស់ប្រជាពលរដ្ឋ សង្ស័យថៅកែ លឹម ចាន់ថុលជីកាកាយស្តារអាងទំនប់អូរក្រាំងអំបិលលើសច្បាប់កំណត់នេះដែរ អ្នកយកព័ត៌មានយើងបានទាក់ទងទៅលោក ញ៉ាញ់ ជាបហ៊ង ប្រធានមន្ទីរធនធានទឹកនិងឧតុនិយមខេត្តកំពង់ស្ពឺតាមប្រព័ន្ធតេឡេក្រាមដើម្បីសួរនាំ ប៉ុន្តែលោកចូលមើលហើយ មិនឆ្លើយតប។

ដោយឡែកលោក ប៊ិន ថេត ប្រធានការិយាល័យរ៉ែនិងថាមពលខេត្តកំពង់ស្ពឺបានឱ្យដឹងតាមទូរស័ព្ទថា ថ្ងៃមិញជំនាញលោកបានចុះទៅពិនិត្យវាស់វែងរួចហើយមិនខុសទីតាំងអីទេ។

ហើយខាងណាដែលនិយាយថាខុសទីតាំងនោះ សូមឱ្យជួយចុះពិនិត្យទាំងអស់គ្នាក្រែលោសង្ស័យអី ពីព្រោះគាត់មានអាជ្ញាប័ណ្ណពីក្រសួងរ៉ែ និង ថាមពល ដូចជាទំហំជាង៨ហិកតា។

ប្រជាពលរដ្ឋធ្វើការស្នើសុំឱ្យមានមន្ត្រីជំនាញពាក់ព័ន្ធនានា ជាពិសេសក្រសួងធនធានទឹកនិងឧតុនិយម និងក្រសួងរ៉ែនិងថាមពល មេត្តា ចុះធ្វើការអង្កេតស្រាវជ្រាវថា រឿងជីកស្តារអាងទំនប់អូរក្រាំងអំបិលរបស់ លោកថៅកែ ឈ្មោះ លឹម ចាន់ថុល នេះផង ដើម្បីឱ្យអស់មន្ទិលសង្ស័យ (កុំធ្វើការងារម៉ាម៉ាយកតែស៊ង)។  ហើយមួយវិញទៀតសូមអង្គភាពប្រឆាំងអំពើពុករលួយមេត្តាចាត់មន្ត្រីចុះពិនិត្យសង្កេតស្រាវជ្រាវផងថា តើរឿងជីកកាយស្តារអាងទំនប់អូរក្រាំងអំបិលនេះមានសុីសំណូកសូកប៉ាន់ មានលុយក្រោមតុដែលឬមួយយ៉ាង ?៕

អង្គភាពសារព័ត៌មានយើងខ្ញុំផ្សព្វផ្សាយគ្រាន់តែជាកញ្ចក់ឆ្លុះបញ្ចាំង រិះគន់ក្នុងន័យស្ថាបនា ចូលរួមចំណែកជាមួយរាជរដ្ឋាភិបាលតែប៉ុណ្ណោះ ជុំវិញការចុះផ្សាយខាងលើនេះអង្គភាពសារព័ត៌មានយើងខ្ញុំ នឹងរងចាំទទួលការស្រាយបំភ្លឺ ពីសំណាក់ សាមីខ្លួននឹងភាគីពាក់ពន្ធ័ទាំងអស់ រៀងរាល់ម៉ោងធ្វើការ តាមរបបច្បាប់អ្នកសារព័ត៌មាននៅព្រះរាជាណាចក្រកម្ពុជា៕

Filed in: សូមរាយការណ៍

Leave a Reply

Submit Comment
«រដ្ឋាអភិវឌ្ឍន៍ ញូយ៍ | Ratha Ahiwat News» ព័ត៌មានថ្មីៗ ទាន់ហេតុការណ៍ ! ទាក់ទងផ្តល់ព័ត៌មាន តាមទូរស័ព្ទលេខ 015 29 39 64 | 097 52 66 779 សូមអរគុណ ! ឬ Whatsapp : 015 29 39 64 | 097 52 66 779 Telegram : 015 29 39 64 | 097 52 66 779»

©២០១៨ រក្សាសិទ្ធិ ដោយ «រដ្ឋាអភិវឌ្ឍន៍ ញូយ៍ | Ratha Ahiwat News»

អាសយដ្ឋាន ៖ ផ្ទះលេខ ៦១៨ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល

សហការផ្តល់ព័ត៌មាន តាមទូរស័ព្ទលេខ 015 29 39 64 | 097 52 66 779 សូមអរគុណ !

ឬ Whatsapp : 097 52 66 779 Telegram : 097 52 66 779»

អ៊ីម៉ែល ៖ mailtobot168@gmail.com