ខេត្តកំពង់ចាម៖ប្រជាពលរដ្ឋរងចាំមើល ថាលោក សេង ណា អធិការស្រុកព្រៃឈរ ហ៊ានបញ្ជាកម្លាំងសមត្ថកិច្ច ក្រោមឱវ៉ាត ចុះពិនិតនិងមានចំណាត់ការទៅលើទីតាំងល្បែងសុីសងមាន់ជល់អនឡាញ បង្កប់ក្នុងហាង«កាហ្វេនិងភេសជ្ជះ ហ៊ាន ស្រីមុំ» បញ្ឆិតក្លោងទ្វាវត្ត ចំងាយប្រហែល៥០ម៉ែត្រ ពី(អាហារដ្ឋាន លីន ស្រស់២) តាមបណ្តាយផ្លូវ(NR70) ស្ថិតនៅក្នុងភូមិទួលតាកោ ឃុំជ្រៃវៀន ស្រុកព្រៃឈរ ខេត្តកំពង់ចាម ដែរឬយ៉ាងណា?។
ពលរដ្ឋបន្តទៀតថា
ឯណាទៅគោលយោបាយភូមិ.ឃុំ.សង្កាត់ មានសុវត្ថិភាព របស់រាជរដ្ឋាភិបាលដែលបានដាក់ចេញអោយក្រសួងមហាផ្ទៃអនុវនោះ។ ព្រោះយើងដឹងហើយថា ទីណាមានល្បែងស៊ីសង ទីនោះនឹងមានបទល្មើសនានា កើតឡើងជាហូរហែ ធ្វើឲ្យភូមិ.ឃុំ.សង្កាត់ គ្មានសុវត្ថិភាព ប្រជាពលរដ្ឋរស់នៅដោយក្ដីព្រួយបារម្ភភៃខ្លាច ចោរលួច ចោរឆក់ ចោរប្លន់ គាស់ផ្ទះ និងអំពើហិង្សាក្នុងគ្រួសារ ដែលផ្ដើមចេញពីល្បែងស៊ីសងទាំងនេះ ។
ទាក់ទិនករណីទីតាំងល្បែងសុីសងខាងលើ ប្រជាពលរដ្ឋស្នើសុំយ៉ាងទទូចដល់ លោក សេង ណា អធិការស្រុកព្រៃឈរជាពិសេសគោរពសុំលោកឧត្ដមសេនីយ៍ត្រី ហេង វុទ្ធី ស្នងការនគបាលខេត្តកំពង់ចាម ដែលលោកតែងតែ យកចិត្តទុកដាក់ពីសុខទុក្ខរបស់ប្រជាពករដ្ឋមេត្តាជួយពិនិត្យមើលមន្ត្រីក្រោមឱវាទដែលរក្សាការពារនៅក្នុងទឹកដី ភូមិ/ឃុំ ខាងលើនេះផង តើរាល់ថ្ងៃនេះគាត់រវល់ធ្វើអ្វីដែរ? បានជាបណ្ដែតបណ្ដោយ អោយមានល្បែងស៊ីសង បង្កើតឡើងនៅក្នុងមូលដ្ឋាននៃស្រុកព្រៃឈរ ខេត្តកំពង់ចាម ដោយសេរីបែបនេះ? ។
អង្គភាពអ្នកសារព័ត៌មានយើងខ្ញុំផ្សព្វផ្សាយគ្រាន់តែជាកញ្ចក់ឆ្លុះបញ្ចាំង រិះគុនក្នុងន័យស្ថាបនា ចូលរួមចំណែកជាមួយរាជរដ្ឋាភិបាល។ជុំវិញការចុះផ្សាយខាងលើនេះអង្គភាពសារព័ត៌មានយើងខ្ញុំ នឹងរងចាំទទួលការស្រាយបំភ្លឺ ពីសំណាក់សមត្ថកិច្ចពាក់ពន្ធ័នឹងម្ចាស់ទីតាំង រៀងរាល់ម៉ោងធ្វើការ ដើម្បីឆ្លុះបញ្ចាំងពីការពិត សុក្រឹតនិងយុត្តិធម៌តែប៉ុណ្ណោះ សូមអរគុណ!!!
