ទាន់ហេតុការណ៍
លោក ហេ សូផាន់ណារ៉ា អគ្គនាយករងនៃអគ្គនាយកដ្ឋានសុរិយោដី និងភូមិសាស្រ្ត ដឹកនាំក្រុមការងារចុះធ្វើការសាកល្បងវាស់វែងនៅទីវាលជាក់ស្តែង និងបញ្ជូលទិន្នន័យក្នុងប្រព័ន្ធមូលដ្ឋានទិន្នន័យសុរិយោដីដែលបានធ្វើទំនើបកម្ម នៅភូមិធ្លាចាស់ សង្កាត់វាលពង់ ក្រុងឧដុង្គម៉ែជ័យ ខេត្តកំពង់ស្ពឺ។=>អាវុធហត្ថរាជធានីភ្នំពេញ ប្រជុំផ្សព្វផ្សាយ ទម្រង់ផែនការប្រត្តិបត្តិការថ្មីឆ្នាំ២០២៤ ដើម្បីត្រៀមដាក់អនុវត្ត តាមកាលៈទេសៈជាក់ស្តែង!=>ឯកឧត្ដម​បណ្ឌិត​ អ៊ាង​ សុផល្លែត​ អញ្ជើញ​ជាអធិបតី​ ក្នុង​ពិធី​សម្ពោធ​ដាក់​ឱ្យ​ប្រេីប្រាស់​ជាផ្លូវការសួនកុមារ​ ក្នុង​បរិវេណ​សួនឧទ្យាន​ទន្លេ​ស្ងួត​=>អំណោយប្រចាំខែ របស់លោកឧត្ដមសេនីយ៍ឯក រ័ត្ន ស៊្រាង បានប្រគល់ដល់ដៃពលរដ្ឋទីទាល់ក្រ១៧គ្រួសារ!=>សត្វច្រឹងរាប់ពាន់ក្បាលប្រមូលផ្តុំគ្នារស់នៅតាមមែកឈេីជាប់ស្ទឹងសង្កែទាក់ទាញភ្ញៀវទេសចរណ៍ជាតិ និងអន្តរជាតិមកមេីលជារៀងរាល់ថ្ងៃមិនដែលខាន...=>គណៈប្រតិភូក្រសួងបរិស្ថាន ដឹកនាំដោយឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន បានអញ្ជើញគោរពព្រះវិញ្ញាណក្ខន្ធព្រះសពសម្តេចព្រះអគ្គមហាសង្ឃរាជាធិបតីកិត្តិឧទ្ទេសបណ្ឌិត ទេព វង្ស។=>រដ្ឋបាលខណ្ឌព្រែកព្នៅ ចុះអនុវត្តគម្រោងអភិវឌ្ឍន៍ប្រឡាយមេរំដោះទឹកក្នុងភូមិសាស្ត្រខណ្ឌ...=>ពិតជាផ្គើនជាមួយអាជ្ញាធរមូលដ្ឋានមែន ទីតាំងហ្គេមបាញ់ត្រី ស្លាកយីហោREMlX នៅក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ...=>សេចក្តីប្រកាសព័ត៌មាន របស់ ក្រសួងបរិស្ថាន...=>ឯកឧត្ដម ង៉ូវ បូរីណា រដ្ឋលេខាធិការក្រសួងបរិស្ថាន ផ្ញើសារថ្លែងអំណរគុណ...
0

ប្រមុខរាជរដ្ឋាភិបាលកម្ពុជា៖ អ្វីដែលយើងចង់បាននោះស្ថិរភាពបំផុតគឺវិនិយោគជប៉ុនមកកាន់កម្ពុជាកាន់តែច្រើន

ប្រមុខរាជរដ្ឋាភិបាលកម្ពុជា៖ អ្វីដែលយើងចង់បាននោះស្ថិរភាពបំផុតគឺវិនិយោគជប៉ុនមកកាន់កម្ពុជាកាន់តែច្រើន

«រដ្ឋាភិវឌ្ឍន៍ ញូយ៍ | Ratha Aphiwat News» ទូរស័ព្ទទំនាក់ទំនង 015 29 39 64 | 097 52 66 779

http://www.rathaaphiwatnews.com

ប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុន សែន បានមានប្រសាសន៍ថា ជំនួយរបស់ប្រទេសជប៉ុនមកកាន់កម្ពុជាមានចំនួនមិនតូចនោះទេ ប៉ុន្តែអ្វីដែលយើងចង់បាននោះគឺស្ថិរភាពបំផុតគឺវិនិយោគិនជប៉ុនមកកាន់កម្ពុជាកាន់តែច្រើន។ ការលើកឡើងរបស់សម្ដេចតេជោនាយករដ្ឋមន្រ្ដីនេះ ក្នុងពិធីអបអរសាទរខួប ១១ ឆ្នាំ នៃប្រតិបត្តិការរបស់ក្រុមហ៊ុន មីនីបៀ នៅក្នុងប្រទេសកម្ពុជា នាព្រឹកថ្ងៃទី ០១ ខែធ្នូ ឆ្នាំ ២០២២ នៅតំបន់សេដ្ឋកិច្ចពិសេសភ្នំពេញ ។

សម្ដេចតេជោ ហ៊ុន សែន បានថ្លែងថា ជប៉ុនមានតួនាទីមិនមែនគ្រាន់តែជួយដល់កម្ពុជាទេ ប៉ុន្តែជប៉ុនត្រូវជួយដល់ប្រទេសដទៃទៀត ហើយបញ្ហាសំខាន់ដែលយើងចង់បានគឺវិនិយោគជប៉ុនមកកាន់តែច្រើន ហើយជប៉ុនបើកទីផ្សារឱ្យធំដើម្បីនាំទំនិញចូលពីកម្ពុជា ។ សម្តេចតេជោបានថ្លែងបញ្ជាក់ថា៖ «អីចឹងទេជំនួយជប៉ុនមកដល់កម្ពុជាមានចំនួនមិនតូចទេនៅទីនេះ ប៉ុន្តែអ្វីដែលយើងចង់បានស្ថិរភាពបំផុតគឺវិនិយោគជប៉ុនមកកាន់តែច្រើន មកកាន់កម្ពុជា។ ព្រោះយើងដឹងថាជប៉ុនមានតួនាទីមិនមែនគ្រាន់តែជួយដល់កម្ពុជាទេ ប៉ុន្តែជប៉ុនត្រូវជួយដល់ប្រទេសដទៃទៀត។ អីចឹងបញ្ហាសំខាន់ដែលយើងចង់បានគឺវិនិយោគិនជប៉ុនមកកាន់តែច្រើន ហើយជប៉ុនបើកទីផ្សារឱ្យធំដើម្បីនាំទំនិញចូលពីកម្ពុជា»។

សម្តេចតេជោនាយករដ្ឋមន្រ្ដីបានបញ្ជាក់ថា ពាក់ព័ន្ធទំនាក់ទំនងកម្ពុជា-ជប៉ុន នៅឆ្នាំក្រោយនេះគឺជាឆ្នាំពិសេស ហើយឆ្នាំនេះនាយករដ្ឋមន្ត្រីកម្ពុជា និងនាយករដ្ឋមន្ត្រីជប៉ុនជួបគ្នាបួនដង ដែលនាយករដ្ឋមន្ត្រីជប៉ុនមកកម្ពុជាពីរដង នាយករដ្ឋមន្ត្រីកម្ពុជាទៅជប៉ុនពីរដង ។ សម្ដេចតេជោបន្ដថា នៅក្នុងរយៈពេល៤ដងនេះយើងបានសម្រេចជាមួយគ្នា នូវការលើកកម្ពស់កម្រិតទំនាក់ទំនងទ្វេភាគីពីដៃគូយុទ្ធសាស្ត្រ ទៅជាដៃគូយុទ្ធសាស្ត្រគ្រប់ជ្រុងជ្រោយ ។ សម្តេចតេជោបន្តទៀតថា ឆ្នាំក្រោយនេះជាខួបលើកទី ៧០ ឆ្នាំនៃការបង្កើតទំនាក់ទំនងការទូតជាមួយគ្នារវាងកម្ពុជា និងជប៉ុន។ សម្តេចតេជោនាយករដ្ឋមន្រ្ដីបង្ហាញនូវក្ដីសប្បាយរីករាយដែលបានធ្វើការជាមួយជប៉ុនក្នុងរយៈកាលកន្លងទៅនេះយើងមានកិច្ចការជាច្រើនដែលត្រូវធ្វើ ជាពិសេសដោយបានមើលឃើញទំហំពាណិជ្ជកម្មរវាងកម្ពុជាជប៉ុនមានការកើនឡើង។ ទន្ទឹមនេះ តាមរយៈក្រុមហ៊ុនជប៉ុនមកវិនិយោគនៅកម្ពុជាដល់បានផលិតផលហើយ នាំចូលទៅកាន់ប្រទេសជប៉ុន ដែលយើងអាចធ្វើបែបហ្នឹងដើម្បីលើកកម្ពស់កម្រិតទំនាក់ទំនង រវាងប្រទេសទាំងពីរ ។

សម្តេចតេជោ ហ៊ុន សែន ក៏បានបន្ថែមថា៖ «នៅក្នុងទំនាក់ទំនងរវាងប្រទេស និងប្រទេស កាលណាទំនាក់ទំនងសេដ្ឋកិច្ចកាន់តែធំ វាក៏ធ្វើឱ្យទំនាក់ទំនងខាងនយោបាយក៏កាន់តែរឹងមាំទៅតាមនោះដែរ»៕

Filed in: ព័ត៌មានជាតិ

Leave a Reply

Submit Comment
«រដ្ឋាអភិវឌ្ឍន៍ ញូយ៍ | Ratha Ahiwat News» ព័ត៌មានថ្មីៗ ទាន់ហេតុការណ៍ ! ទាក់ទងផ្តល់ព័ត៌មាន តាមទូរស័ព្ទលេខ 015 29 39 64 | 097 52 66 779 សូមអរគុណ ! ឬ Whatsapp : 015 29 39 64 | 097 52 66 779 Telegram : 015 29 39 64 | 097 52 66 779»

©២០១៨ រក្សាសិទ្ធិ ដោយ «រដ្ឋាអភិវឌ្ឍន៍ ញូយ៍ | Ratha Ahiwat News»

អាសយដ្ឋាន ៖ ផ្ទះលេខ ៦១៨ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល

សហការផ្តល់ព័ត៌មាន តាមទូរស័ព្ទលេខ 015 29 39 64 | 097 52 66 779 សូមអរគុណ !

ឬ Whatsapp : 097 52 66 779 Telegram : 097 52 66 779»

អ៊ីម៉ែល ៖ mailtobot168@gmail.com