ទាន់ហេតុការណ៍
ប្រធានមន្ទីរសាធារណការនិងដឹកជញ្ជូនខេត្តរតនគិរីត្រូវបានកា ស្ងើចសសើរពីមជ្ឈដ្ឋានមន្ត្រីរាជការនិងប្រជាពលរដ្ឋ..!=>ពលរដ្ឋ៖តើលោក គៀង លក្ស័ នឹង លោក យិន សាន ហ៊ានបង្រ្កាបទីតាំងល្បែងសុីសងនៅ«ផ្សារបឹងត្របែកផ្លាហ្សា ជាន់ទី៤»ដែរឬទេ???វគ្គ២=>អរគុណសន្តិភាព ជយោ!នយោបាយឈ្នះ ឈ្នះ កីឡារស់ក្នុងសន្តិភាព ប្រជាពលរដ្ឋម្នាក់លេងកីឡាមួយប្រភេទ លេងកីឡាដើម្បីមិត្តភាព សុខភាព និងចៀសផុតពីបញ្ហាគ្រឿងញៀន...=>ពិធីបិទកិច្ចប្រជុំ គណៈកម្មាធិការប្រតិបត្តិ និងក្រុមប្រឹក្សាសមាគមលើកទី០៣ អាណតិ្តទី០៣ ស្តីពីការបូកសរុបលទ្ធផលការងារឆ្នាំ២០២២ និងលើកទិសដៅអនុវត្តបត្តឆ្នាំ២០២៣ របស់សមាគមក្រុមប្រឹក្សាក្រុង ស្រុក ឃុំ សង្កាត់ ខេត្តកណ្តាល...=>មហាជនរងចាំមើលតើលោក កៀង លក្ស័ អភិបាលខណ្ឌនឹងលោកយិន សានអធិការខណ្ឌចំការមនហ៊ានបង្រ្កាប ទីតាំងល្បែងសុីសងចូលតាមក្លឹបបាល់ទះនេះដែរឬទេ..?វគ្គ២=>លោកជំទាវ ឱ វណ្ណឌីន ៖ ការចូលរួមរបស់សហគមន៍ក្នុងការថែទាំសុខភាពផ្ទាល់ខ្លួនបានត្រឹមត្រូវ ធ្វើឱ្យសហគមន៍នោះមានសុខភាពល្អ និងរួមចំណែកឱ្យមានកំណើនសេដ្ឋកិច្ចគ្រួសារ និងសេដ្ឋកិច្ចជាតិ=>ទីតាំងល្បែងសុីសងនៅ«ផ្សារបឹងត្របែកផ្លាហ្សា ជាន់ទី៤»មានខ្នងបង្អែកធំៗគ្រាក់ៗហើយមើលទៅបានជាអាជ្ញាធរមានសមត្ថកិច្ចក្នុងមូលដ្ឋានមិនហ៊ានបង្រ្កាប..!វគ្គ១=>ពិតជាខ្លាំងមែន! ទោះបីសម្តេចតេជោ ដាក់បទបញ្ជាអោយលុបបំបាត់ល្បែងសុីសងគ្រប់ប្រភេទទូរទាំងប្រទេស តែទីតាំងល្បែងសុីសងចូលតាមក្លឹបបាល់ទះមួយនេះនៅតែបើកលេងយ៉ាងរលូនដដែល..?វគ្គ១=>រដ្ឋបាលខេត្តកណ្តាល ចុះសួរសុខទុក្ខ និងសំណេះសំណាលជាមួយ បងប្អូន ប្រជាពលរដ្ឋរងផលប៉ះពាល់​ដោយសារជំនន់​ទឹក​ភ្លៀង​ តាមបណ្តោយព្រែកថី ស្ថិតនៅសង្កាត់រកាខ្ពស់ ក្រុងតាខ្មៅ=>វគ្គបណ្តុះបណ្តាលរំលឹកឡើងវិញស្តីពី របៀបកត់ត្រាការងារអត្រានុកូលដ្ឋាន និងលិខិតបទដ្ឋានគិតយុត្តថ្មីៗ រយ:ពេល ២ថ្ងៃ   ត្រូវបានបិទបញ្ចប់
0

សម្តេចតេជោ ហ៊ុន សែន ផ្ដល់អនុសាសន៍ សំខាន់ ០៨ចំណុច ជូនអ្នកសារព័ត៌មាន និងមន្ត្រីពាក់ព័ន្ធ..!

សម្តេចតេជោ ហ៊ុន សែន ផ្ដល់អនុសាសន៍ សំខាន់ ០៨ចំណុច ជូនអ្នកសារព័ត៌មាន និងមន្ត្រីពាក់ព័ន្ធ..!

«រដ្ឋាភិវឌ្ឍន៍ ញូយ៍ | Ratha Aphiwat News» ទូរស័ព្ទទំនាក់ទំនង 015 29 39 64 | 097 52 66 779

http://www.rathaaphiwatnews.com

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញផ្តល់កិត្តិយសជួបសំណេះសំណាល និងពិសាអាហារសាមគ្គីជាមួយបងប្អូនអ្នកសារព័ត៌មានជិត ៥,០០០ នាក់ នៅសាលពិព័ណ៌កោះពេជ្រ នៅល្ងាចថ្ងៃទី១៤ ខែមករា ឆ្នាំ២០២៣។

ពិធីននេះធ្វេីឡើងវិញ បន្ទាប់ពីមានការអាក់ខានរយៈពេលបីឆ្នាំដោយសារជំងឺកូវីដ-១៩។

ជំនួបអាហារសាមគ្គីនៅឆ្នាំនេះ ធ្វើឡើងក៏ចំពេលខួប៣៨ឆ្នាំនៃការកាន់តំណែងជានាយករដ្ឋមន្ត្រីរបស់សម្ដេចតេជោ ហ៊ុន សែន ផងដែរ។ ក្រៅពីអ្នកព័ត៌មានហើយនោះ ថ្នាក់ដឹកនាំជាន់ខ្ពស់រាជរដ្ឋាភិបាល អភិបាលរាជធានី ខេត្ត មន្ត្រីអ្នកនាំពាក្យ និងមន្ត្រីរបស់រាជរដ្ឋាភិបាលដែលពាក់ព័ន្ធលើវិស័យសារព័ត៌មាន ត្រូវបានអនុញ្ញាតឱ្យចូលរួមក្នុងពិធីនេះផងដែរ។

ក្នុងឱកាសនេះផងដែរ សម្ដេចតេជោ ហ៊ុន សែន ក៏បានផ្ដល់នូវអនុសាសន៍សំខាន់ៗចំនួន០៨ ដូចខាងក្រោម៖

១-ក្រសួងព័ត៌មាន ត្រូវជំរុញឲ្យមានសេចក្ដីព្រាងច្បាប់ ស្ដីពីសិទ្ធិទទួលព័ត៌មាន បានចេញនូវអាណត្ដិទី៧ និងត្រៀមរៀបចំ ដាក់ឲ្យដំណើរការថ្នាលទូរទស្សន៍ឌីជីថលកម្ពុជា នៅដើមឆ្នាំ២០២៣ខាងមុខនេះ និងត្រូវបិទការផ្សាយទូរទស្សន៍អាន់ណឺឡុង នៅឆ្នាំ២០២៥ តាមផែនការ ដែលបានគ្រោងទុក។ បើសិនបើអនុវត្ដមិនបាន យើងនឹងត្រូវខាតបង់ច្រើនណាស់ គឺយើងដើរមិនទាន់ការវិវត្ដន៍បច្ចេកវិទ្យា នៅក្នុងតំបន់អាស៊ាន។

២-ស្ថាប័នព័ត៌មានរដ្ឋ និងឯកជន ត្រូវចូលរួមថែរក្សាសន្ដិភាពស្ថិរភាពនយោបាយ សន្ដិសុខ សណ្ដាប់ធ្នាប់សង្គម តាមរយៈភូមិ-ឃុំ មានសុវត្ថិភាព ដោយធ្វើការផ្សព្វផ្សាយជំរុញឲ្យអាជ្ញាធរ និងស្ថាប័ន មានសមត្ថកិច្ច ទប់ស្ដាត់ និងចាត់វិធានការរាល់បទល្មើសគ្រឿងញៀន ល្បែងស៊ីសង គ្រប់ប្រភេទ ក្មេងទំនើង ចោរប្លន់ ប្រដាប់អាវុធ គ្រោះថ្នាក់ចរាចរណ៍ជាដើម ដែលកើតឡើងនៅក្នុងមូលដ្ឋានរបស់ខ្លួន ដើម្បីកសាងសង្គមកម្ពុជាមួយ ឲ្យមានសុវត្ថិភាព សណ្ដាប់ធ្នាប់ល្អ និងរក្សាកិត្ដិយស សេចក្ដីថ្លៃថ្នូរ លើកមុខមាត់កម្ពុជា លើឆាកអន្ដរជាតិ។

៣-ថ្ងៃទី២៥ ខែមករា ឆ្នាំ២០២៣ ខាងមុខនេះ ប្រព័ន្ធផ្សព្វផ្សាយទាំងអស់ សូមចូលរួមយុទ្ធនាការផ្សព្វផ្សាយ ការរាប់ថយក្រោយ១០០ថ្ងៃ នៃព្រឹត្ដិការណ៍ការប្រកួតស៊ីហ្គេម លើកទី៣២ ឆ្នាំ២០២៣ នៅកម្ពុជា ឲ្យបានផុលផុស ដើម្បីឲ្យប្រជាពលរដ្ឋទាំងក្នុង និងក្រៅប្រទេសបានដឹង និងបំផុសស្មារតី លើកទឹកចិត្ដដល់កីឡាករ-កីឡាការិនី ឲ្យខិតខំហ្វឹកហាត់ ដើម្បីទទួលបានមេដៃច្រើន ក្នុងការប្រកួតនាពេលខាងមុខ និងលើកទឹកចិត្ដឲ្យយុវជន និងប្រជាពលរដ្ឋយើងគាំទ្រ និងស្នេហាវិស័យកីឡា ក្រោមពាក្យស្លោក «កីឡារស់នៅ ក្នុងសន្ដិភាព»។

៤-ស្ថាប័នព័ត៌មាន ត្រូវបង្កើតភាពជាដៃគូ ជាមួយរាជរដ្ឋភិបាល ដោយត្រូវបំពេញតួនាទីជាស្ពានចម្លង ផ្សារភ្ជាប់ទំនាក់ទំនងពីស្ថាប័នរដ្ឋទៅប្រជាជន និងពីប្រជាជនមកស្ថាប័នរដ្ឋវិញ ទាំងកម្មវិធីនយោបាយរបស់រាជរដ្ឋាភិបាល ទាំងការអនុវត្ដជាក់ស្ដែង ដែលតម្រូវឲ្យអ្នកសារព័ត៌មាន ចូលរួមកាន់តែសកម្មថែមទៀត ដើម្បីថែរក្សាសុខសន្ដិភាព និងការអភិវឌ្ឍន៍។

៥-ចូលរួមយុទ្ធនាការ ប្រយុទ្ធជាមួយនឹងភាពអសកម្ម ភាពមិនប្រក្រតី អំពើពុករលួយ និងភាពអយុត្ដិធម៌នៅក្នុងសង្គម ដើម្បីកសាងកម្ពុជាជាសង្គមមួយដែលស្អាតស្អំ មានតម្លាភាព។ សម្ដេចតេជោក៏បានដាស់តឿនសារជាថ្មីរដល់អ្នកសារព័ត៌មាន គឺកុំបំពានអ្នកដទៃ កុំបំភ្លៃការពិត និងនៅថ្ងៃនេះ សម្ដេចតេជោក៏បានផ្ដល់សារសំខាន់មួយទៀតគឺ អ្នកសារព័ត៌មានត្រូវផ្សាយការពិតកុំប្រឌិតរឿងអ្នកដ៏ទៃ។ និងសូមឲ្យអ្នកសារព័ត៌មាន ចូលរួមជាមួយនឹងរាជរដ្ឋាភិបាល ក្នុងខណៈដែលរាជរដ្ឋាភិបាល កំពុងតែជំរុញកែទម្រង់រដ្ឋ ដើម្បីឲ្យមានតម្លាភាព ដែលទាមទារឲ្យអ្នកសារព័ត៌មាន បំពេញតួនាទីតាមវិជ្ជាជីវៈមានសមត្ថភាព និងសិក្សាបញ្ហាដ៏ស៊ីជម្រៅ ហ៊ានបញ្ចេញនូវការពិត។

៦-ចូលរួមប្រយុទ្ធប្រឆាំងព័ត៌មានមិនពិត និងព័ត៌មានក្លែងក្លាយ ទាំងក្នុងក្របខណ្ឌជាតិ និងអន្ដរជាតិ ដែលបច្ចុប្បន្នតំណាងសារព័ត៌មានរបស់យើង ក៏មានក្នុងក្របខណ្ឌស្ថាប័នជាតិអាស៊ាន ដែលតម្រូវឲ្យស្ថាប័នព័ត៌មានធ្វើការប្រយុទ្ធប្រឆាំងព័ត៌មានមិនពិត និងព័ត៌មានក្លែងក្លាយ ឲ្យកាន់តែសកម្មថែមទៀត។

៧-សមាគមអ្នកសារព័ត៌មាន ត្រូវបន្ដសហការជាមួយនឹងស្ថាប័នពាក់ព័ន្ធ ធ្វើការបណ្ដុះបណ្ដាលវិជ្ជាជីវៈ សមត្ថភាពជំនាញដល់បុគ្គលិក និងភ្នាក់ងាររបស់ខ្លួនឲ្យដើរទាន់ការវិវត្ដន៍បច្ចេកវិទ្យាប្រព័ន្ធ ផ្សព្វផ្សាយឌីជីថល ដែលអាចជួយបំពេញការងារបានរហ័ស និងទាន់សភាពការ។

៨-ចូលរួមធ្វើការផ្សព្វផ្សាយព័ត៌មានអប់រំ ឲ្យប្រជាពលរដ្ឋចាក់វ៉ាក់សាំង ការពារជំងឺកូវីដ-១៩ និងអនុវត្ដវិធានការរបស់រាជរដ្ឋាភិបាល និងក្រសួងសុខាភិបាល ឲ្យបានខ្ជាប់ខ្ជួន៕ 

Filed in: ព័ត៌មានជាតិ

Leave a Reply

Submit Comment
«រដ្ឋាអភិវឌ្ឍន៍ ញូយ៍ | Ratha Ahiwat News» ព័ត៌មានថ្មីៗ ទាន់ហេតុការណ៍ ! ទាក់ទងផ្តល់ព័ត៌មាន តាមទូរស័ព្ទលេខ 015 29 39 64 | 097 52 66 779 សូមអរគុណ ! ឬ Whatsapp : 015 29 39 64 | 097 52 66 779 Telegram : 015 29 39 64 | 097 52 66 779»

©២០១៨ រក្សាសិទ្ធិ ដោយ «រដ្ឋាអភិវឌ្ឍន៍ ញូយ៍ | Ratha Ahiwat News»

អាសយដ្ឋាន ៖ ផ្ទះលេខ ៦១៨ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល

សហការផ្តល់ព័ត៌មាន តាមទូរស័ព្ទលេខ 015 29 39 64 | 097 52 66 779 សូមអរគុណ ! ឬ Whatsapp : 097 52 66 779 Telegram : 097 52 66 779»

អ៊ីម៉ែល ៖ mailtobot168@gmail.com