កម្លាំងផែនការងារប្រឆាំងគ្រឿងញៀន នៃស្នងការដ្ឋាននគរបាលខេត្តព្រះវិហារ សហការបង្ក្រាបករណីដឹកជញ្ជូន ជួញដូរគ្រឿងញៀនឆ្លងដែនខុសច្បាប់ ចាប់ខ្លួន ជនជាតិចិន ០១ នាក់ និងរឹបអូសគ្រឿងញៀនជាង១០០គីទ្បូក្រាម..!

??នៅថ្ងៃទី៣០ ខែសីហា ឆ្នាំ២០២២ វេលាម៉ោង ១២ និង ៣២ នាទី ដោយ​ អនុវត្តតាមបញ្ជា លោក ឧត្តមសេនីយ៍ទោ សួស សុខដារ៉ា ស្នងការនគរបាល ខេត្តព្រះវិហារ ដឹកនាំផ្ទាល់ ពីលោកឧត្តមសេនីយ៍ត្រី យ៉េង សារ៉េន ស្នងការរងផែនការងារប្រឆាំងគ្រឿងញៀន សហការជាមួយកម្លាំងជំនាញមន្ទីរប្រឆាំងគ្រឿងញៀន នៃអគ្គស្នងការនគរបាលជាតិ ក្រសួងមហាផ្ទៃ, កម្លាំងនគរបាលខេត្ត ស្ទឹងត្រែង និងកម្លាំងនគរបាលខេត្ត ព្រះសីហនុ
ដោយមានការសម្របសម្រួលពី ឯកឧត្តម ទី សុវិនថាល់, ឯកឧត្តម ជេត ខេមរា ព្រះរាជអាជ្ញា នៃអយ្យការអមសាលាដំបូងខេត្តព្រះវិហារ និងខេត្តស្ទឹងត្រែង និងលោក ហួត វិចិត្រ ព្រះរាជអាជ្ញារងនៃអយ្យការអមសាលាដំបូង ខេត្ត ព្រះសីហនុ បានធ្វើការស៉ើបអង្កេតស្រាវជ្រាវបង្ក្រាបករណីខាងលើ នៅចំណុចផ្លូវដើមឈើចាំស្នេហ៍ ស្ថិតនៅភូមិគគីរ ឃុំ បិតត្រាំង ស្រុកព្រៃនប់ ខេត្ត ព្រះសីហនុ កិច្ចប្រតិបត្តិការ​ខាងលេី​ទទួលបាន​លទ្ធផល ៖
១. ឃាត់ខ្លួនបានជនសង្ស័យ ០១ នាក់ ឈ្មោះ TU XUE RONG ភេទប្រុស អាយុ ៣៦ ឆ្នាំ ជនជាតិចិន
២. វត្ថុតាងមាន ៖
_កេតាមីន (KETAMINE) ១០០ ដុំស្មើនឹងទម្ងន់ ១០០ គីទ្បូក្រាម និង ៨០ ក្រាម
.រថយន្ត ០១ គ្រឿង ។
.ទូរស័ព្ទដៃ ០១ គ្រឿង ។
បច្ចុប្បន្នជនសង្ស័យ និងវត្ថុតាងខាងលើ សមត្ថកិច្ចជំនាញ បានបញូនទៅសាលាដំបូងខេត្តព្រះវិហារ ដើម្បីចាត់ការតាមច្បាប់ ។