ទាន់ហេតុការណ៍
ឧត្តមសេនីយ៍ឯក រ័ត្ន ស៊្រាង បន្តជួយដល់គ្រួសារអតីតអ្នករួមការងារនាសម័យរដ្ឋកម្ពុជា!=>(ព័ត៌មានលំអិត) ករណីអគ្គិភ័យឆាបឆេះដេប៉ូប្រេង  នៅស្រុកកំពង់ត្រឡាច ខេត្តកំពង់ឆ្នាំង=>មហាវិថីសហព័ន្ធរុស្ស៊ី គឺជាផ្លូវដ៏សំខាន់មួយ ដែលមានភ្ញៀវទេសចរណ៍ជាតិនិងអន្តរជាតិ ឧស្សាហ៍ចេញចូល ដូច្នេះហើយទើបខាងបងៗសណ្តាប់ធ្នាប់ ខណ្ឌ ដែលមានព្រំប្រទល់នៅតាមបណ្តោយមហាវិថីនោះ គាត់រឹតបន្តឹងជាខ្លាំងពិសេស ពេលមានក្បួនរបស់ថ្នាក់ដឹកនាំកំពូលៗម្តងៗ=>បញ្ជូនខ្លួនជនសង្ស័យម្នាក់ទៅពន្ធនាគារ ក្រោមបទកាត់រូបរាងឈូសឆាយដីព្រៃយកធ្វើជាកម្មសិទ្ធិ ស្ថិតនៅឃុំអូរកណ្ដៀរសែនជ័យ ស្រុកអូរគ្រៀងសែនជ័យ ខេត្តក្រចេះ.=>កាន់ប្លែក​ បែកធ្លាយ​ ក្រុមការងារចុះជួយឃុំសំបុក ស្រុកចិត្របុរី បែរជា​មកជួបសំណេះសំណាលជាមួយប្រជាពលរដ្ឋជាសមាជិកបក្សនៅ ភូមិ ត្រពាំងឈូក ឃុំឃឹម ស្រុកស្នួល ទៅវិញ​ តើមានគោលបំណងអ្វីឲ្យពិតប្រាកដ=>ប្រជាពលរដ្ឋខ្មែរជាច្រើនកំពុងតែបានមេខ្យល់ជម្លៀសឆ្លងដែនដោយខុសច្បាប់ស្ទើរតែរាល់ថ្ងៃ ហាក់បីដូចជាមិនមានការរំខានដល់អាជ្ញាធរឬសមត្ថកិច្ចពាក់ព័ន្ធទាល់តែសោះ..=>លោក សាម៉េត សុផាត  បានធ្វើសេចក្តីជូនដំណឹងមួយច្បាប់ ផ្ញើទៅដល់លោក ទេពសុធារិទ្ធិ រស់នៅសង្កាត់វាលស្បូវ ខណ្ឌច្បារអំពៅ រាជធានីភ្នំពេញ ឲ្យចូលមកទូទាត់បំណុលដែលបានខ្ចីគាត់ផង..=>ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ បន្តពិគ្រោះ ផ្ដល់យោបល់ និងប្រមូលធាតុចូលពីគ្រប់ភាគីពាក់ព័ន្ធ លើសេចក្តីព្រាងច្បាប់ភូមិបាល(ថ្មី) ដើម្បីឱ្យសេចក្តីព្រាងច្បាប់នេះមានលក្ខណៈគ្រប់ជ្រុងជ្រោយ ងាយស្រួលអនុវត្ត ជាពិសេស​ឆ្លើយតបបានចំពោះតម្រូវការសេដ្ឋកិច្ចសង្គមកម្ពុជា។=>ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានត្រៀមយុទ្ធសាស្រ្តដាំស្តារដើមឈើឡើងវីញនៅតំបន់ព្រៃរិចរិល របស់ក្រសួងបរិស្ថានដើម្បី ភាពបៃតង ចីរភាព និង ទប់ស្កាត់ភាពងាយរងនូវការច្រោះដោយទឹកភ្លៀង ដែលនឹងនាំទៅដល់ការបាត់បង់ទីទួល និងភ្នំ ...=>បងប្អូនក្រុមវាលទី២១ (ភូមិបាលខណ្ឌដង្កោ)​ ចុះវាស់វែងដីធ្លី ជូនបងប្អូនប្រជាពលរដ្ឋ​ ស្ថិតនៅភូមិក្រញូង ឃុំពោធិអង្រ្គង ស្រុកបសេដ្ឋ ខេត្តកំពង់ស្ពឺ។
0

ឯកឧត្តម ទន់ សារ៉ត អញ្ជើញចុះត្រួតពិនិត្យក្រុមគ្រូពេទ្យរបស់ ឯកឧត្តម ខៀវ កាញារីទ្ធ ព្យាបាលជូនប្រជាពលរដ្ឋដោយឥតគិតថ្លៃ នៅស្រុកកោះសូទិន

ឯកឧត្តម ទន់ សារ៉ត អញ្ជើញចុះត្រួតពិនិត្យក្រុមគ្រូពេទ្យរបស់ ឯកឧត្តម ខៀវ កាញារីទ្ធ ព្យាបាលជូនប្រជាពលរដ្ឋដោយឥតគិតថ្លៃ នៅស្រុកកោះសូទិន

«រដ្ឋាភិវឌ្ឍន៍ ញូយ៍ | Ratha Aphiwat News» ទូរស័ព្ទទំនាក់ទំនង 015 29 39 64 | 097 52 66 779

http://www.rathaaphiwatnews.com

នៅព្រឹកថ្ញៃទី១២ ខែសីហា ឆ្នាំ២០២២ នេះ ឯកឧត្តម ទន់ សារ៉ត រដ្ឋលេខាធិការក្រសួងព័ត៌មាន និងជាតំណាង ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន និង លោកវេជ្ជបណ្តិត ឡោ គឹមសុង តំណាងសមាគមគ្រូពេទ្យខ្មែរបារាំង បានអញ្ជើញចុះ សំណេះសំណាល និងត្រួតពិនិត្យការព្យាបាលដល់ប្រជាពលរដ្ឋ ដោយឥតគិតថ្លៃ របស់ក្រុមគ្រូពេទ្យស្ម័គ្រចិត្ត ឯកឧត្តម ខៀវ កាញារីទ្ធ ដែលពិធីនោះ បានរៀបចំនៅក្នុងបរិវេណសាលាបឋមសិក្សា ក្បាលកោះ ក្នុងឃុំកោះសូទិន ស្រុកកោះសូទិន ខេត្តកំពង់ចាម ។ ក្នុងពិធីពិនិត្យព្យាបាលនោះដែរ ក៏មានការគោរពអញ្ជើញចូលរួម ដោយ ឯកឧត្តម ផុស សុវណ្ណ អគ្គនាយកដ្ឋានព័ត៌មាន និងសោតទស្សន៍ នៃក្រសួងព័ត៌មាន អភិបាល ស្រុកកោះសូទិន សប្បុរសជន ក្រុមគ្រូពេទ្យស្ម័គ្រចិត្ត នៅប្រទេសបារាំង និងក្រុមគ្រូពេទ្យពេទ្យស្ម័គ្រចិត្តរបស់ឯកឧត្តម ខៀវ កាញារីទ្ធ ព្រមទាំង ប្រជាពលរដ្ឋ ដែលមកទទួលការព្យាបាល និងក្មួយៗសិស្សានុសិស្ស សរុបប្រមាណជាង ២០០នាក់ ផងដែរ ។

នាឱកាសនោះ ឯកឧត្តម ទន់ សារ៉ត រដ្ឋលេខាធិការក្រសួងព័ត៌មាន និងជាតំណាងដ ឯកឧត្តមរដ្ឋមន្ត្រី បានធ្វើការពាំនាំ ការផ្តាំផ្ញើ សាកសួរសុខទុក្ខ ដល់បងប្អូនប្រជាពលរដ្ឋ រស់នៅក្នុងទឹកដី ឃុំកោះសូទិន ដែលនាពេលកន្លងមក ឯកឧត្តម ខៀវ កាញារីទ្ធ តែងតែគិតគូរ ដល់សុខទុក្ខ របស់បងប្អូន គ្រប់ពេលវេលា ពោលគឺ ឲ្យតែប្រជាពលរដ្ឋជួបការលំបាក តែងមានវត្តមាន ឯកឧត្តម ចុះមកជួយដោយផ្ទាល់ ឬចាត់តាំង តំណាងឲ្យចុះមកជួយប្រជាពលរដ្ឋ បានទាន់ពេលវេលា ។ ជាក់ស្តែង ពេលនេះ ក្រុមគ្រូពេទ្យស្ម័គ្រចិត្ត ទាំងបារាំង និងគ្រុមគ្រូពេទ្យខ្មែរ របស់ឯកឧត្តម ខៀវ កាញារីទ្ធ បានមកពិនិត្យព្យាបាល ជូនប្រជាពលរដ្ឋយើង គឺបានបង្ហាញឲ្យឃើញច្បាស់ ពីការយកចិត្តទុកដាក់ ការព្រួយបារម្ភ អំពីបញ្ហាសុខភាព របស់បងប្អូន ដែលគ្រួសារខ្លះ មានជីវភាពខ្វះខាត មិនមានសមត្ថភាព ក្នុងទៅព្យាបាលជម្ងឺដោយខ្លួនឯង នៅខាងក្រៅបាន ។

ឯកឧត្ដមបានបន្ថែមថា បន្ទាប់ពីការពិនិត្យ ស្វែងរកជំងឺព្យាបាលនៅទីនេះ រួច សូមឲ្យបងប្អូនប្រជាពលរដ្ឋ ត្រូវធ្វើតាមការវេជ្ជបញ្ជាររបស់ក្រុមគ្រូពេទ្យ ទាំងការលេបថ្នាំ ត្រូវធ្វើឲ្យបានទៀងទាត់ ហើយនៅពេលមានអាការះ អ្វីមួយមិនប្រក្រតី ណាមួយកើតឡើង ឆាប់រួសរាន់ ទៅពិនិត្យ នៅឯមន្ទីរពេទ្យបង្អែក ស្រុកកោះសូទិនជាបន្ទាន់ ។ ឯកឧត្តម ក៏បានលើកឡើងទៀតថា តាមរយៈ ក្រុមគ្រូពេទ្យទាំងបារាំង ខ្មែរ ចុះមកព្យាបាលជូនបងប្អូន ដោយឥតគិតថ្លៃទៅបាន នាពេលនេះ គឺដោយប្រតេសជាតិមានសន្តិភាព ក្រោមការដឹកនាំ របស់សម្តេចតេជោ ហ៊ុន សែល នាយករដ្ឋមន្រ្តី នៃព្រះរាជាណាចក្រកម្ពុជា ទើបអាចឲ្យប្រជាពលរដ្ឋ ដែលរស់នៅក្នុងស្រុកកោះសូទិន និងនៅទូទាំងប្រទេស អាចពិនិត្យពិគ្រោះយោបល់ពីគ្រូពេទ្យ ធ្វើការតាមដានសុខភាពរបស់ខ្លួន ហើយអាចដើរហើរបានគ្រប់ទីកន្លែង ។ ផ្ទុយទៅវិញ បើសិននាពេលនេះ ប្រទេសមានសង្រ្គាម ដូចទៅនឹងប្រទេសអ៊ុនក្រែនវិញ ពេលនេះ ម៉ោងនេះ គឺប្រជាពលរដ្ឋកម្ជុជា ទាំងអស់ មិនអាចមានពេលវេលា មកពិនិត្យឬព្យាបាលជំងឺផ្សេងៗ បាននោះឡើយ ។

លោកវេជ្ជបណ្តិត សៅ សំបូរ ប្រធានក្រុមគ្រូពេទ្យស្មគ្រចិត្ត ឯកឧត្តម ខៀវ កាញារីទ្ធ បានថ្លែងអំណរគុណ យ៉ាងជ្រាលជ្រៅបំផុត ចំពោះ ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន តាមរយៈ ឯកឧត្តម ទន់ សារ៉ាត រដ្ឋលេខាធិការក្រសួងព័ត៌មាន និង លោកវេជ្ជបណ្តិត ឡោម គឹមសុង តំណាងសមាគមគ្រូពេទ្យខ្មែរបារាំង និងលោក លោកស្រី ឧសថការីខ្មែរ នៅប្រទេសបារាំង សមាគម sos Cambodia Kids ដែលបានចុះមកពិនិត្យបាល ជូនប្រជាពលដ្ឋ ដោយឥតគិតថ្លៃ មានដូចជា÷ ជំងឺទូទៅ ពិនិត្យភ្នែក ជូនវែនតា ចាក់ម្ជុលវិទ្យាសាស្រ្ត និងនាំយកកាតាប ថ្នាំដុះធ្មេញ សៀវភៅ ច្រាសដុះធ្មេញ សាប៉ូដុះខ្លួន ខ្មៅដៃ ចែកជូនសិស្សបឋមសិក្សាចំនួន ២០០នាក់ ។ ដែលទង្វើ និងទឹកចិត្តប្រកបដោយសប្បុរសធម៌ មនុស្សធម៌ របស់សមាគមក្រុមគ្រូពេទ្យខ្មែរ នៅប្រទេសបារាំង ជូនដល់បងប្អូនប្រជាពលរដ្ឋ ក្នុងឃុំកោះសូទិន នាពេលនេះ ។ លើសពីនេះទៅទៀតនោះ កាយវិការមនុស្សធម៌នេះ នឹងដឹតដាមជាប់ក្នុងក្រអៅបេះដូង របស់បងប្អូនប្រជាពលរដ្ឋ ព្រមទាំង ចងចាំនូវគុណបំណាច់ដ៏ថ្លៃថ្លា និងសង្ឃឹមថា លោកវេជ្ជបណ្តិត ឡោ គឹមសុង នឹងដឹកនាំសមាគមគ្រូពេទ្យស្ម័គ្រ នៅប្រទេសបារាំង បន្តចុះជួយប្រជាពលរដ្ឋ ក្នុងទឹកដី ស្រុកកោះសូទិន ជាបន្តបន្ទាប់ទៀត ផងដែរ ៕

Filed in: ព័ត៌មានជាតិ, សុខភាព

Leave a Reply

Submit Comment
«រដ្ឋាអភិវឌ្ឍន៍ ញូយ៍ | Ratha Ahiwat News» ព័ត៌មានថ្មីៗ ទាន់ហេតុការណ៍ ! ទាក់ទងផ្តល់ព័ត៌មាន តាមទូរស័ព្ទលេខ 015 29 39 64 | 097 52 66 779 សូមអរគុណ ! ឬ Whatsapp : 015 29 39 64 | 097 52 66 779 Telegram : 015 29 39 64 | 097 52 66 779»

©២០១៨ រក្សាសិទ្ធិ ដោយ «រដ្ឋាអភិវឌ្ឍន៍ ញូយ៍ | Ratha Ahiwat News»

អាសយដ្ឋាន ៖ ផ្ទះលេខ ៦១៨ ផ្លូវលំ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល

សហការផ្តល់ព័ត៌មាន តាមទូរស័ព្ទលេខ 015 29 39 64 | 097 52 66 779 សូមអរគុណ !

ឬ Whatsapp : 097 52 66 779 Telegram : 097 52 66 779»

អ៊ីម៉ែល ៖ mailtobot168@gmail.com